MAFURIKO YAATHIRI MAKAZI YA WATU JIJINI DAR ES SALAAM

http://www.mtanzania.co.tz

 BAADHI ya maeneo ya Jiji la Dar es Salaam,

jana yalikumbwa na mafuriko yaliyosababishwa na mvua kubwa ilionyesha jana

asubuhi. 

Mafuriko hayo yaliathiri baadhi ya makazi ya wananchi kwa kuwa maji

yalijaa katika nyumba zao.

Katika Barabara ya Mandela maeneo ya Tabata

jirani na ofisi za Gazeti la Mwananchi, maji yalijaa barabarani na kusababisha

usumbufu wa magari na waenda kwa miguu.

Kwenye maeneo hayo, magari yalikuwa yakiendeshwa kwa mwendo wa taratibu na

wakati mwingine yalikuwa yakisimama kwa vile madereva walishindwa kukabiliana

na kasi ya maji hayo.

Pamoja na hayo, hali ilionekana kuwa mbaya zaidi katika maeneo ya Ubungo

Darajani ambako maji yalikuwa yamefurika na kukaribia juu ya daraja.

Wakati maji hayo yakipita, baadhi ya mali zikiwamo magodoro, vyombo vya ndani

na samani nyingine, vilikuwa vikielea juu ya maji.

Kutokana na hali hiyo, wananchi walijaa darajani hapo wakishuhudia mafuriko

hayo na wengine wakipiga kelele kila walipokuwa wakiona mali zikielea.