SINTAH SASA KUWAMENEJI WASANII KUPITIA YOUTH TALENT MANAGEMENT

Mwanadada aliyewahi kuwika kwenye tasnia ya muvi kisha kujihusisha kwenye masuala ya blogu, Sintah kwa sasa amejiingiza kwenye masuala ya kuwameneji wasanii na vijana wenye vipaji kupitia programu yake inayokwenda kwa jina la Youth Talent Management.

Akizungumza kwa niaba ya Sintah, Mratibu Msaidizi wa Programu hiyo Agustino John maarufu kama ‘Sirtino’ amesema kuwa kupitia program hiyo vijana wenye vipaji tofautitofauti watapata nafasi ya kukuzwa vipaji vyao na kuunganishwa na wadau mbalimbali.

Mratibu huyo amesema kuwa kwa sasa wameweka nguvu kwa upande wake ambapo ametoa wimbo unaokwenda kwa jina la Upendo Wangu akiwa amemshirikisha na Kadjanito na Timbulo.

“Wasanii wanaweza kuwasiliana na mimi ili kuunganishwa kwenye program hiyo kupitia email yangu ya sirtino2014@gmail.com,” alisema Sirtino.