KINONDONI KUKOSA UMEME SIKU MBILI

 

na Janet Josiah

BAADHI ya maeneo katika Wilaya ya Kinondoni, Dar es Salam yatakosa umeme kwa muda wa siku mbili kutokana na matengenezo ya nyaya pamoja na kukata miti.

Taarifa iliyotolewa na Ofisi ya Uhusiano ya Shirika la Umeme nchini (TANESCO), ilieleza kuwa maeneo hayo yatakosa umeme leo na kesho.

Taarifa hiyo iliyataja maeneo yatakayoathirika kuwa ni pamoja na Mwaya na Barabara ya Chole, kota za Bandari, ghorofa za Nasaco, Kahama Mining, Manzese, Valahaha Village, kota za UNDP, Baobao Village, sehemu ya Mtaa wa Uganda, Morogoro Store, ghorofa za IFM na hosteli za Muhimbili.

Maeneo mengine ni Kipepeo Apartments, Sea Cliff Court, Hosteli ya Alexander, Mtaa wa Tunisia, Kinondoni, Barabara ya Msese, Tazara Club, Barabara ya Kaunda, Barabara ya Kenyatta, Mtaa wa Laiboni na Benki ya Stanbic/Ocean Front.

Pia maeneo ya Kinondoni Shamba, Ada Estate, Ubalozi wa Zambia, Ubalozi wa India, Ubalozi wa Ufaransa, Barabara ya Manara, Msesevila na maeneo ya jirani.

Chanzo: Tanzania Daima