Sikiliza Tone Radio Live Hapa, na Tembelea Website yetu www.toneradiotz.com

MUSWADA SHERIA YA ULINZI WA TAARIFA BINAFSI WAJA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Imeandikwa na Matern Kayera
Naibu Waziri wa Ujenzi, Uchukuzi na Mawasiliano, Edwin Ngonyani
SERIKALI iko kwenye hatua za mwisho za kupeleka bungeni Muswada wa Sheria ya Ulinzi wa Taarifa Binafsi ili kudhibiti matumizi mabaya ya simu za mkononi, barua pepe na mitandao ya kijamii.
Hayo yalisemwa na Naibu Waziri wa Ujenzi, Uchukuzi na Mawasiliano jana, Edwin Ngonyani (pichani) wakati akifungua mkutano wa pamoja kati ya Wachina na Watanzania uliofanyika kwenye Ukumbi wa Kimataifa wa Mikutano wa Julius Nyerere (JNICC) jijini Dar es Salaam.
Sheria hiyo ya kudhibiti matumizi mabaya ya mitandao ya kijamii itakuwa ya tatu baada ya Sheria ya Uhalifu wa Kimtandao na Sheria ya Miamala ya Kimtandao kupitishwa mwaka 2015.
Imeelezwa kuwa muswada huo wa sheria hautachukua zaidi ya mwaka mmoja kupitishwa kuwa sheria na itakapokuwa sheria kamili itawapa fursa watu watakaochafuliwa au kutendewa uhalifu wa kimtandao kudai fidia.
Kwa mujibu wa Naibu Waziri Ngonyani, watumiaji wa simu waliosajili simu zao za mkononi imeongezeka kutoka 300,000 mwaka 2000 hadi kufikia milioni 39 kwa sasa. Kuhusu idadi ya mitandao ya kijamii inayotumika nchini, Ngonyani alisema kwamba ni vigumu kwa sasa kuidhibiti mitandao hiyo kwa asilimia 100 kwa kuwa wanaoimiliki wako nje ya nchi na hasa Marekani na siyo Watanzania.
Sheria ya Ulinzi wa Taarifa Binafsi itasaidia kumjua mtu mahususi atakayefanya uhalifu kupitia simu yake ya mkononi au hata kama atatumia simu ya mtu mwingine, na hivyo hivyo kwenye mitandao ya kijamii na barua pepe.
Naye Balozi wa China nchini, Dk Lu Youqing alisema matumizi ya mitandao ya kijamii yameimarisha zaidi ushirikiano kati ya Tanzania na China. Alisema ushirikiano kati ya Tanzania na China umekuwa na manufaa katika nyanja mbalimbali kama vile kisiasa, kiuchumi, kiutamaduni, amani na usalama, ushirikiano wa kimataifa na ushirikiano baina ya mtu na mtu. Kuhusu maendeleo ya intaneti alisema kwamba kati ya kampuni 10 kubwa za intaneti duniani, kampuni nne zinatoka China.
CHANZO HABARI LEO

YONO KUPIGA MNADA JENGO LA ABLA COMPLEX LA MIKOCHENI JIJINI DAR ES SALAAM AGOSTI 12, 2017

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Kampuni ya udalali ya Yono Auction Mart inatarajia kupiga mnada jengo la Abla Complex lenye urefu wa ghorofa saba lililopo Mikocheni Dar es Salaam kutokana na mmiliki wake kushindwa kulipa mkopo anaodaiwa na KCB Bank Limited.

Kwa mujibu wa Mkurugenzi Mtendaji wa kampuni hiyo Bi. Scholastica Kevela, Yono wataendesha Mnada huo August 12, 2017 hapo hapo mjengoni, na amekaribisha yeyote mwenye nia ya kununua jengo afike kwenye mnada huo kuanzia saa nne na nusu asubuhi (From 10.30 am).
 

BALOZI MAHIGA APOKEA NAKALA ZA HATI ZA UTAMBULISHO ZA MABALOZI WATATU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Waziri wa Mambo ya Nje na Ushirikiano wa Afrika Mashariki, Mhe. Dkt. Augustine Mahiga (Mb) akipokea Nakala za Hati za Utambulisho za Balozi Mteule wa Jamhuri ya Indonesia nchini Tanzania, Mhe. Prof. Ratlan Pardede ofisini kwake jijini Dar es Salaam leo.
 Waziri wa Mambo ya Nje na Ushirikiano wa Afrika Mashariki, Mhe. Dkt. Augustine Mahiga (Mb) akipokea Nakala za Hati za Utambulisho za Mwakilishi Mteule wa Papa nchini Tanzania, Mhashamu Marek Solczynskiofisini kwake jijini Dar es Salaam leo.
Waziri wa Mambo ya Nje na Ushirikiano wa Afrika Mashariki, Mhe. Dkt. Augustine Mahiga (Mb) akipokea Nakala za Hati za Utambulisho za Balozi Mteule wa Shirikisho la Ujerumani nchini Tanzania, Mhe. Dkt. Detlef Wachter ofisini kwake jijini Dar es Salaam leo.

MAKAMU WA RAIS APONGEZA JUHUDI ZA MERCK NCHINI TANZANIA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Makamu wa Rais wa Jamhuri ya Muungano wa Tanzania, Samia Suluhu Hassan  amezipongeza juhudi zinazofanywa na taasisi ya Merck ambayo ni kampuni inayoongoza katika sayansi na teknolojia  ambayo imelenga  kushughulikia masuala  uwezeshwaji wa wanawake na huduma za afya akisema kwamba wamekuja nchini  kwa wakati mwafaka


Wakati wa mkutano maalum kati ya Makamu wa Rais Mheshimiwa Samia Suluhu Hassan na Ofisa Mtendaji Mkuu wa Merck Foundation  Makamu wa Rais  alisema kuwa Merck Foundation  inakaribishwa na serikali inatarajia kushirikiana  na taasisi hiyo  inayoheshimika na iliyo makani katika  kuwezesha wanwake , vijana, huduma za afya  na sayansi.

Tunatambua mchango  unaotolewa na Merck Foundation  katika kujengea uwezo  huduma za afya barani Afrika na tunakaribisha shughuli zake  nchini Tanzania, hususani katika kampeni zinazolenga  kuuongezea umma  uelewa kuhusu ugumba.

Makamu wa Rais aliongeza, “Mimi binafsi nitafanya kazi na Merck katika kuwawezesha wanawake walio na uwezo duni kijamii na kiuchumi kote nchini Tanzania  na sehemu nyingine duniani ili kujenga utamaduni mpya  katika kuheshimu na kumtambua wanawake  kama sehemu ya wanajamii wanaozalisha  wawe ni kinamama na hata wasio wazazi.”

Merck Foundation hali kadhalika imejikita  katika ushirikiano wa muda mrefu na serikali ya Tanzania katika kuijengea uwezo katika huduma za afya  na kuboresha kufikiwa kwa  ubunifu na masusluhisho  yaliyo katika uwiano  kote nchini ikiwa ni sehemu ya  program za uwajibikaji kwa jamii barani Afrika.

“Merck Foundation itatilia mkazo katika uwezeshwaji wa wanawake walio na tatizo la ugumba  kupitia upatikanaji wa taarifa, uelewa, afya, kubadili mitazamo na kuwewawezesha kiuchumi kote nchini  kupitia kampeni ya Merck ya Zaiidi ya mama,” alisema Ofisa Mtendaji Mkuu wa Merck, Dk. Rasha Kelej.

Kampeni hiyo ambayo inatoa msukumu kwa vyombo vya habari na wadau wengine  kuchpisha na kuwasilisha mada kwa njia ya mtandao, video na vipindi vya redio kuhusu masuala yanayohusu ugumba ilizinduliwa nchini Tanzania Juni mwaka huu. Washindi katika kampeni hiyo  wanatarajiwa kuondoka  na zawadi ya fedha  kuanzia dola 1000 hadi dola 5000.

 “Tatizo la ugumba barani Afrika ni kubwa, inakadiriwa kuwa  mtu mmoja kati ya kila watu wane walio na umri wa kuzaa anasumbuliwa na tatizo la  ugumba, na takribani  asilimia 85 wale walio na tatizo la ugumba linatokana na ukosefu wa tiba kwa ugonjwa ambao unaweza kutibika,  hivyo kuongeza uelewa  kuhusu kuzuia hali hiyo  kupiti vyombo vya habari vya ndani na mitandao ya jamii ni hatua muhimu.”, alisema Dk. Rasha Kelej’’

Aliongeza, “Kujenga uelewa  kuhusu ugumba kwa wanaume kwani ugumba  una athari sawa kwa wanaume na wanawake, lakini wamekuwa ndio  wanaolaumiwa  peke yao, wanatengwa na kudhalilishwa ndani ya jamii zao. Kampeni itashughulikia mada hizi na kutoa msukumo kwa wanaume  kujadili kwa uwazi  tatizo lao la ugumba  na kushirikiana  katika safari ya kutambua ugumba na matibabu ya wake zao.”

 Kwa upande mwingine Merck foundation itajikita zaidi katika kugharamia mafunzo kwa wataalamu wa afya kwenye maeneo ya saratani kwa watoto (paediatric oncology) katika programu za udhamini nchini India, Ulaya na katika Chuo Kikuu cha Nairobi kwa madaktari wa Tanzania ili kuboresha upatikanaji wa huduma zote zinahusu saratani.

Hivi karibuni Merck ilizindua Tuzo ya Kuvitambua Vyombo vya Habari kupitia kampeni yake ya “Zaidi ya Mama” ili kuwatuza waandishi wa habari na wanafunzi wanaosomea uandishi wa habari katika eneo la Afrika Mashariki ambao watakuwa wamefanya vizuri katika  kuandika  habari zinazoelewesha, kuelimisha na  kuhabarisha  ambazo zitaweza kujenga jukwaa  la majadiliano kuhusu ugumba ndani ya Afrika. Hafla ya kutoa tuzo hizo inatarajiwa kufanyika Oktoba mwaka huu 2017.

Lengo la tuzo hizo  ni kujenga uelewa kuhusu mchango muhimu ambavyo vyombo vya habari vinaweza kuutoa  katika  kuondo unyanyapaa uliojikita katika tatizo la ugumba. Hali kadhalika  zinalenga  utamaduni mbovu wa kuwabagua na kuwadhalilisha wanawake na papo hapo kuuelimisha umma  kuhusu kuzuia ugumba, kuisimamia hali hiyo na  ugumba kwa wanaume. Nyongeza katika kampeni hiyo ni kwamba inalenga kutoa msukumo kwa wanawaume  kujadili hali yao ya ugumba kwa uwazi, kuwasaidia wake zao katika safari zao za kupimwa na  kutibiwa.

Kufahamu zaidi kuhusu program za Merck Foundation na mafunzo yao pamoja na fursa za udhamini. Tafadhali tembelea tovuti yao www.merck-foundation.com na www.merckmorethanamother.com

RAYON SPORTS YA RWANDA KUCHEZA NA SIMBA SIKU YA SIMBA DAY

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Kikosi cha Rayon Sports cha Rwanda ndicho kitakachocheza na Simba katika mechi ya Simba Day kwenye Uwanja wa Taifa jijini Dar es Salaam.

MSUVA AAGA RASMI, YANGA WASHAMALIZANA NA DIFAA HASSAN ELJADIDI YA MOROCCO


Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mkuu wa kitengo cha habari na mawasiliano Yanga, Dismas Ten

Na Agness Francis, Globu ya Jamii.

Ten amesema walishamaliza mazungumzo na klabu hiyo kwa ajili ya kujiunga nao na wamempa baraka zote kijana wao kwa ajili ya kuanza maisha mapya ya soka nchini Morocco. Winga machachari wa timu ya Yanga Simon Msuva anatarajiwa kuondoka kuelekea nchini Morocco kwa ajili ya vipimo ili kujiunga na timu ya ya Difaa Hassani Eljadidi (DHJFC) inayoshiriki ligi kuu ya nchini humo.


Mkuu wa kitengo cha habari na mawasiliano Yanga, Dismas Ten amesema kuwa mchezaji Saimon Msuva anatarajia kuondoka kuelekea nchini Morocco kwa ajili ya zoezi la vipimo vya afya ili kukamilisha mchakato katika timu ya Difaa Hassani Eljadidi (DHJFC).


Timu hiyo ambayo msimu uliopita ilishikilia nafasi ya pili katika nmsimamo wa ligi kuu ikiwa na pointi 59, huku WCA Casablanca wakiwa kilelelni kwa point 66 katika ligi kuu ya Morocco inayojumuisha timu 16 kama ilivyo ligi kuu ya Tanzania bara.

Hata hivyo uongozi wa Yanga unasubiri majibu ya vipimo vya Msuva na kuendelea na taratibu zote za kuuzwa kwa mchezaji huyo ambaye ameitumikia club hiyo misimu 5 akiwa kiungo mshambuliaji mwenye jezi namba 27.

Jana mchana Msuva alikwenda klabu ya Yanga kuaga na kupata baraka za viongozi wake waliokuwa nae katika maisha ya soka ndani ya Klabu ya Yanga kwa miaka mitano.

CHAWATA CHAIOMBA SERIKALI KUWAONDOLEA KODI YA BAJAJI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na Neema Mathias – MAELEZO
Chama cha Walemavu Tanzania (CHAWATA) kimeiomba Serikali kuondoa kodi kwa bajaji (pikipiki zenye magurudumu matatu) zinazotumiwa na watu wenye ulemavu kama miguu na pia kubeba abiria ili kujipatia kipato.

UTALII WAZIDI KUONGEZA PATO LA TAIFA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.


Na Thobias Robert.
Sekta ya utalii nchini imeendelea kukuza na kuongeza mapato ya serikali kwa kuchangia zaidi ya asilimia 17 ya pato la taifa, huku ikitazamiwa kuongezeka katika mwaka huu wa fedha.
Hayo yalisemwa Jana na Mkurugenzi Mkuu wa Shirika la Hifadhi za taifa (TANAPA) Bwana Allan Kijazi wakati akizungumza katika kipindi cha TUNATEKELEZA” kinachorushwa na Televisheni ya Taifa (TBC1).
“Utalii unatoa mchango mkubwa sana katika uchumi wa nchi hii, kwa sasa hivi unakisiwa kwamba unachangia kama asilimia 17.2 ya pato la taifa na asilimia 25 ya fedha ya kigeni,” alisema Bw. Kijazi. huku akisisitiza kuwa TANAPA watazidi kulinda na kuendeleza hifadhi zilizopo nchini ili zizidi kuongeza pato la taifa kwa maendeleo ya watanzania wote.
Mkurugenzi huyo wa TANAPA alisema kuwa katika mwaka wa fedha 2016/2017 TANAPA ilichangia kiasi cha billion 27 kwenda Mfuko wa Taifa wa serikali na matarajio yao katika kuchangia mfuko wa fedha wa Taifa kwa mwaka huu wa fedha 2017/2018 ni bilioni 33.4 hii ni kwa sababu ya kuongezeka kwa Watalii kutoka nje ya nchi.
Aliongeza kuwa Tanzania ina vivutio vingi kama vile Mito, Mabonde, Milima, lakini hifadhi za Taifa kama Vile Ngorongoro, Serengeti, Gombe, Ruaha ndizo zinazoongoza kwa kuchangia pato la taifa kwa zaidi ya asilimia 80 ikilinganishwa na vivutio vingine.
Bwana Kijazi aliongeza kwa kusema kuwa, utalii nchini umekuwa ukikuunaongezeka kila mwaka ambapo kwa takimwu walizo nazo zinaonesha kuwa, ongezeko la watalii kwa miaka mitano iliyopita limekuwa lilkiongezeka kwa asilimia 4 hadi 7 kila mwaka.
Kuongeza kwa watalii hasa katika hifadhi za Taifa kunatokana na TANAPA kujitangaza zaidi katika nchi mbalimbali duniani kupitia Mitandao ya kijamii, Makampuni binafsi ndani na nje ya nchi, Balozi za Tanzania katika mataifa ya Nje, Vilabu mbalimbali vya Ulaya na Amerika pamoja Vyombo vya Habari vya kimataifa kama vile CNN na BBC.
Mkurugenzi Kijazi alisema kuwa, Mataifa yanayoongoza kutembelea hifadhi za taifa ni pamoja na Marekani, Ujerumani, Uingereza, Italia, Ufaransa, pamoja na Hispania huku akitaja kuwa vivutio vya utalii vilivyopo Nchini hasa hifadhi ni vya kipekee, mazingira mazuri, hali ya hewa pamoja na amani na utulivu uliopo nchini ndiyo sababu zinazowavutia watalii kuongezeka kila mwaka.
Pamoja na kukua na kuongezeka kwa utalii nchini kunakopelekea kuongeza la Taifa, Mkurugenzi Kijazi alisema kuwa, utalii wa ndani bado ni changamoto kwani watalii wengi wanatoka nje ya Nchi huku wazawa wakishindwa kuzuru maeneo mbalimbali ya utalii ili
kujionea fahari ya nchi yao hivyo ametoa wito kwa Watanzania kutembelea vivutio hivyo ili kukuza na kuongeza pato la Taifa.
Hivi karibuni Mtandao wa SafariBookings.com unaojihusisha na masuala ya ukuzaji wa safari za kitalii barani Afrika uliitaja Tanzania kama kivutio kizuri cha safari za watalii barani humu.

BENKI YA CRDB YAUNGANISHA WATEJA WAKE NA HUDUMA YA SimBanking

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Wateja wa Benki ya CRDB wakipata huduma mbalimbali ikiwemo kufungua akaunti mpya na kujiunga na huduma ya SimBanking ndani ya gari la mauzo la Benki ya CRDB katika maeneo ya Mbezi-Kimara jijini Dar es Salaam. (Picha na Francis Dande).
Wateja wa Benki ya CRDB wakipata huduma mbalimbali ikiwemo kufungua akaunti mpya na kujiunga na huduma ya SimBanking ndani ya gari la mauzo la Benki ya CRDB katika eneo la Kimara jijini Dar es Salaam.
Ofisa wa Benki ya CRDB, Edina Masawe, akimhudumia mteja wa benki hiyo, Christian Wilfred, aliyefika katika gari la mauzo la benki hiyo katika eneo la Mbezi Luis.
Ofisa Masoko wa Benki ya CRDB, Estherine Mtimba (kulia), akimsaidia kufungua akaunti pamoja na kumuunganisha na huduma ya SimBanking mteja mpya wa benki hiyo, Rehema Adam.
 Ofisa Mauzo wa Benki ya CRDB, Benjamin Banzi (wa pili kulia), akimuunganisha mteja, Christopher Mjata kwenye huduma ya SimBanking (huduma za benki ya CRDB kwa njia ya simu za mkononi) katika eneo la Kimara jijini Dar es Salaam.
Mteja wa Benki ya CRDB, Khalid Hassan (kulia), akifungua akaunti katika gari la mauzo la benki hiyo katika eneo la Mbezi jijini Dar es Salaam. Kushoto ni Ofisa wa Benki ya CRDB, Eric Maro.
Baadhi ya wateja wa Benki ya CRDB wakitoka kufungua akaunti pamoja na kujiunga na huduma ya SimBanking katika gari la mauzo la benki hiyo katika eneo la Kimara jijini Dar es Salaam.
Wateja wakisubiri kupata huduma mbalimbal ndani ya gari la mauzo la Benki ya CRDB.
Wateja wa Benki ya CRDB wakipata huduma mbalimbali ikiwemo kufungua akaunti mpya pamoja na kujiunga na huduma ya SimBanking ndani ya gari la mauzo la Benki ya CRDB katika eneo la Mbezi Luis.

ADA KUBWA TLS KIKWAZO KWA MAWAKILI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Na Thobias Robert.
 Imebainika kuwa ada kubwa inayotozwa na Chama cha Mawakili Tanganyika (TLS),imekuwa kikwazo kwa wanachama kujiunga hivyo kukosa haki yao msingi ya kuwa wanachama na hivyo kunyimwa haki ya kushikiri kwenye chama chao cha kitaaluma.
Hayo yamesemwa na Wakili wa Kujitegemea ambaye pia ni Mwanachama wa chama hicho, Bwana Emmanuel Makene alipokuwa akizungumza na Wandishi wa habari mapema leo Jijini Dar es Salaam kuhusu changamoto zinazoendelea ndani ya chama hicho.
“Mawakili tunatumia zaidi ya milioni 2 hadi 4 kwa mwaka kwa ajili ya malipo mbalimbali ya chama,ikiwemo ada ya uanachama, kuidhinishwa na Serikali na kuhuisha leseni ya uwakili ya kila mwaka” alisema Makene.
Aidha mawakili wanatakiwa kulipa ada ya uanachama wa Afrika Mashariki (EALS) kiasi cha dola 50 za Kimarekani kila mwaka. Malipo mengine ambayo mawakili wanapaswa kulipa ni pamoja na pesa za ujenzi wa jengo la chama (Wakili House) ambapo ndani ya chama hicho hakuna mwanachama yeyote mwenye hisa.
Pamoja na malipo makubwa ndani ya chama hicho, Makene amesema kuwa chama hakina msaada wowote kwa mwanachama endapo atapata tatizo lolote kama vile ugonjwa,jambo ambalo linawakwaza na kuhoji pesa wanachanga za nini.
“Wakili ukiwa mgonjwa au upate tatizo lolote chama hakitoi hata senti moja sasa hela tunachangia za nini ,kiufupi hatufaidiki na chama chetu japo tunalipa pesa nyingi,” alisema Wakili Makene.
Mbali na malalamiko ya kuwepo kwa michango mingi, Bwana Makene alisema kuwa, chama kina hati chafu kutoka kwa Mkaguzi wa Mahesabu ya Serikali ya mwaka 2015 ambapo chama kinatuhumiwa kwa ubadhilifu wa fedha zaidi ya milioni 200.
“Kuna tuhuma za ubadhilifu wa fedha za chama ambao umefumbiwa macho. Mkaguzi wa mahesabu alionesha ubadhilifu mkubwa na akatoa hati chafu kwa TLS mwaka 2015,ambapo taarifa ya mkaguzi wa nje wa mahesabu ya TLS ameonesha zaidi ya milioni 200 kuwa hazijulikani zilipo,” alisema wakili Makene
Pia Wakili huyo alitoa wito kwa Mawakili na wadau wa sheria kutii sheria na kujiepusha na kauli zinazoligawa taifa, “Tujitahidi sana kuchunga kauli zetu hasa kuhusiana na jamii tunayoishi ili tusiwagawe watu kidini, kikabila ama kiitikadi,na tukumbuke kuwa mawakili hatuko juu ya sheria” alisema Makene
Hayo yamesemwa na Wakili wa Kujitegemea ambaye pia ni Mwanachama wa chama hicho, Bwana Emmanuel Makene alipokuwa akizungumza na Wandishi wa habari mapema hii leo Jijini Dar es Salaam juu ya malalamiko na changamoto zinazoendelea katika chama hicho.
“Mawakili tunatumia zaidi ya milioni 2 hadi milion 4 kwa mwaka kwa kulipa kwenye chama cha mwakili. Ada ya mwananchama kwenye chama cha TLS ni kubwa sana kuliko taasisi za taaluma.
Chama cha Mawakili Tanganyika kilianzishwa kwa sheria ya Bunge ya mwaka 1954 kwa lengo la kulinda na kutetea masilahi ya mawakili Tanzania bara, kutoa elimu na msaada wa kisheria kwa wananchi lakini pia kutetea na kusimamia masilahi ya wanyonge nchini.

YANGA YAENDELEA KUJIFUA UWANJA WA UHURU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 

Mshambuliaji wa Kimataifa wa Burundi Amis Tambwe akiwa katikati akipambana na wachezaji wa Yanga katika mazoezi ya timu hiyo yanayoendelea kwenye Uwanja wa Uhuru Jijini Dar es salaam.
 Beki wa kulia wa Yanga Juma Abdul akiwa amemiliki mpira akijaribu kumtoka mchezaji mwenzake  katika mazoezi ya timu hiyo yanayoendelea kwenye Uwanja wa Uhuru Jijini Dar es salaam.
 Wachezaji wa Yanga wakiwa katika mazoezi ya timu hiyo yanayoendelea kwenye Uwanja wa Uhuru Jijini Dar es salaam.
Kocha George Lwandamina akijadiliana jambo na Beki kisiki Kelvin Yondani katika mazoezi ya timu hiyo yanayoendelea kwenye Uwanja wa Uhuru Jijini Dar es salaam.

  Na Zainab Nyamka, Globu ya Jamii.

Kikosi cha Yanga kimeendelea tena na mazoezi mapema leo baada ya kupewa mapumziko ya siku mbili kutoka kwa Kocha Mkuu wa timu hiyo  Mzambia George Lwandamina.

Yanga waliokuwa wanafanya mazoezi ya Gym kwa takribani wiki  moja na nusu ikiwa ni katika programu ya Mwalimu Lwandamina ya kuwaweka fit wachezaji hao baada ya kuwa mapumzikoni kwa kipindi kirefu.

Leo mapema asubuhi kikosi hicho kiliingia katika Uwanja wa Uhuru kwa ajili ya kuendelea na mazoezi ya kujiandaa na msimu mpya wa ligi kuu 2017/18 huku wakitarajiwa kuwa mechi kadhaa za kirafiki.

Mechi ya kwanza ya kirafiki itakuwa ni Agosti 5 dhidi ya timu ya Singida inayonolewa na aliyewahi kuwa kocha wa timu hiyo Mholanzi Hans Van De Pluijm mchezo utakapigwa kwenye dimba la Uwanja wa Taifa.

TANZANIA NA KENYA ZAMALIZA TOFAUTI ZA KIBIASHARA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Waziri wa Mambo ya Nje na Ushirikiano wa Kimataifa wa Tanzania Balozi Dkt. Augustine Mahiga (kulia) akifafanua jambo kwa waandishi wa habari (hawapo pichani) kuhusu mazungumzo ya pamoja kuhusu mahusiano ya kibiashara kati ya Serikali ya Tanzania na Kenya mapema hii leo jijini Dar es Salaam, katikati ni Mkurugenzi, Idara ya Ushirikiano wa Kikanda toka Wizara ya Mambo ya Nje na Ushirikiano wa Kimataifa Balozi Innocent Shiyo na kushoto ni Kaimu Balozi wa Kenya nchini Tanzania Peter Sang.
 Mkurugenzi, Idara ya Ushirikiano wa Kikanda toka Wizara ya Mambo ya Nje na Ushirikiano wa Kimataifa Balozi Innocent Shiyo akizungumza na waandishi wa habari (hawapo pichani) kuhusu mazungumzo ya pamoja kuhusu mahusiano ya kibiashara kati ya Serikali ya Tanzania na Kenya mapema hii leo jijini Dar es Salaam, kulia ni Waziri wa Mambo ya Nje na Ushirikiano wa Kimataifa wa Tanzania Balozi Dkt. Augustine Mahiga.

Baadhi ya waandishi wa habari wakimfuatilia Waziri wa Mambo ya Nje na Ushirikiano wa Kimataifa wa Tanzania Balozi Dkt. Augustine Mahiga (hayupo pichani) wakati akitoa ufafanuzi kuhusu mazungumzo ya pamoja kuhusu mahusiano ya kibiashara kati ya Serikali ya Tanzania na Kenya mapema hii leo jijini Dar es Salaam. Picha na Eliphace Marwa -Maelezo


Na: Paschal Dotto - MAELEZO.

Serikali ya Jamhuri ya Muungano wa Tanzania na Serikali ya Kenya zimefanya mazungumzo ya pamoja na kutatua  vikwazo vilivyokuwa vikiikabili  sekta ya biashara baina ya nchi hizo.

Akizungumza na waandishi wa habari leo, Jijini Dar es Salaam Waziri wa Mambo ya Nje na Ushirikiano wa Afrika Mashariki Balozi Dkt. Augustine Mahiga ametoa taarifa juu ya kumalizika kwa tofauti za kibiashara baina ya nchi hizo. 

 “Bidhaa za Tanzania zilizowekewa vikwazo na nchi ya Kenya ni unga wa ngano pamoja na  gesi ya kupikia (LPG). Aidha juhudi, za Serikali ya Tanzania kuona vikwazo hivyo vinaondolewa na Serikali ya Kenya kwa wakati hazikuzaa matunda, hivyo Serikali ya Tanzania nayo iliweka vikwazo kwa bidhaa za maziwa na sigara kutoka Kenya kuingia katika soko la Tanzania,” amefafanua Dkt. Mahiga.

Amesema kuwa kutokana na mahusiano mazuri ya udugu yaliyopo kati ya Tanzania na Kenya na  kwa kujali manufaa mapana ya Jumuiya ya Afrika Mashariki viongozi wakuu wa nchi hizo mbili, Rais wa Jamhuri ya Kenya Mhe. Uhuru Kenyatta na Rais wa Jamhuri ya Muungano wa Tanzania Mhe. Dkt. John Pombe Magufuli walikubaliana kuzungumza na kutoa vikwazo vya biashara hizo. 

Aidha, Dkt. Mahiga amesema, nchi hizo zimekubaliana kuunda Tume ya pamoja ambayo itakuwa na jukumu la kuepusha tofauti za kibiashara kati ya Tanzania na Kenya pamoja na kutolea ufumbuzi changamoto za kibiashara kati ya nchi hizo mbili pindi zinapojitokeza.

Tume hiyo itaongozwa na Mawaziri wa mambo ya Nje wa Tanzania na Kenya na kujumuisha mawaziri wanaohusika na masuala ya Jumuiya ya Afrika Mashariki, Biashara, Fedha, Mambo ya Ndani ya Nchi, Kilimo, Uchukuzi na Utalii wa nchi hizo. 

JK AFUNGUA MKUTANO WA WATOA HUDUMA ZA AFYA NA WAMILIKI WA VITUO VYA AFYA NA WATAALAMU WA AFYA WA NCHI ZA AFRIKA MASHARIKI, JIJINI DAR LEO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Rais Mstaafu wa awamu ya nne, Dkt. Jakaya Mrisho Kikwete akizungumza wakati akifungua mkutano wa sita wa watoa huduma za afya, wamiliki wa vituo vya Afya, wataalamu wa Afya kutoka Afrika Mashariki ikiwemo Tanzania, Kenya, Uganda, Uganda, Burundi, na mataifa ya nje ambao unaogozwa na Waziri wa Afya, Maendeleo ya Jamii, Jinsia, Wazee na Watoto, Ummy Mwalimu Pamoja na mabalozi na viongozi mbali mbali wa serikalini na sekta binafsi kujadili mustakabali wa sekta ya afya wa Tanzania na nchi shiriki hasa jinsi ya kuboresha sekta binafsi.Mkutano huo ulioandaliwa na Chama cha watoa huduma wa vituo vya Afya binafsi nchini Tanzania (APHFTA),unatarajiwa kufanyika kwa siku mbili  jijini Dar es Salaam. Picha na Kajunason, Globu ya Jamii.
 Waziri wa Afya, Maendeleo ya Jamii, Jinsia, Wazee na Watoto, Ummy Mwalimu (wa tatu kulia) pamoja na viongozi wengine wa meza kuu wakimshikiliza Rais Mstaafu wa awamu ya nne, Dkt. Jakaya Mrisho Kikwete wakati akitoa hotuba yake katika kungua mkutano wa sita wa watoa huduma za afya, wamiliki wa vituo vya Afya, wataalamu wa Afya kutoka Afrika Mashariki ikiwemo Tanzania, Kenya, Uganda, Burundi, na mataifa ya nje, unaofanyika kwa siku mbili jijini Dar es Salaam.
Sehemu ya washiriki wa mkutano wa sita wa watoa huduma za afya, wamiliki wa vituo vya Afya, wataalamu wa Afya kutoka Afrika Mashariki ikiwemo Tanzania, Kenya, Uganda, Burundi, na mataifa ya nje ambao unaogozwa na Waziri wa Afya, Maendeleo ya Jamii, Jinsia, Wazee na Watoto, Ummy Mwalimu Pamoja na mabalozi na viongozi mbali mbali wa serikalini na sekta binafsi kujadili mustakabali wa sekta ya afya wa Tanzania na nchi shiriki hasa jinsi ya kuboresha sekta binafsi. Mkutano huo ulioandaliwa na Chama cha watoa huduma wa vituo vya Afya binafsi nchini Tanzania (APHFTA),unatarajiwa kufanyika kwa siku mbili  jijini Dar es Salaam. Picha na Kajunason, Globu ya Jamii.

RIPOTI: HOTELI ZA NYOTA MBILI NA TATU HUPENDELEWA ZAIDI NA WATEJA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.


Na Jumia Travel Tanzania

Je ushawahi kupanga kwamba unataka kwenda kulala kwenye hoteli ya nyota ngapi? Ni vigezo gani ambavyo huwa unavitumia kutambua kwamba hoteli hiyo hadhi yake ni nyota fulani? Ni vigezo gani huja kwanza akilini pindi unapofanya uchaguzi wa hoteli hiyo? Ni maswali magumu ambayo mtu wa kawaida hawezi kuyajibu labda awe anajihusisha au kufanya kazi kwenye sekta ya hoteli au mtu anayesafiri mara kwa mara.

MTOTO WA JINSI MBILI KITENDAWILI, AMTOA MAMA CHOZI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Imeandikwa na Regina Mpogolo
MSICHANA wa miaka 19, Elizabeth Chengula anaelezea anavyoishi maisha ya shida ambayo ni pamoja na kupata mtoto mwenye tatizo la utata wa jinsi yake huku madaktari wakifafanua tatizo hilo kitaalamu.
Akizungumza na gazeti hili hivi karibuni, Chengula alisema Agosti mwaka jana alijifungua mtoto ambaye aliambiwa katika Zahanati ya Ifisi iliyoko Mbalizi Mbeya Vijijini kuwa mtoto huyo ni wa kiume, lakini siku zinavyozidi kwenda hajui ni wa jinsi gani baada ya maumbile yake ya siri kuwa hayaeleweki ni ya kike au ya kiume. Chengula alisema alipompeleka hospitali huko Mbeya aliambiwa kuwa tatizo hilo ni mpaka ampeleke Hospitali ya Taifa Muhimbili (MNH), lakini kutokana na hali yake ya maisha kuwa duni, hakuwa na uwezo wa kufika Dar es Salaam iliko hospitali hiyo.
“Hali hii ilinichanganya sana nikaenda kuomba msaada Ofisi ya Mkuu wa Wilaya, walinisaidia nikachangiwa pesa kwenye ofisi yao ikapatikana laki mbili na orobaini, nikapewa kwa ajili ya safari pamoja na barua ya rufaa, hata hivyo pesa hizo ziliibiwa zote pamoja na begi langu nikiwa safarini kuja Dar es Salaam,” alieleza msichana huyo. Akielezea maisha yake, alisema mama yake ni mlemavu wa mikono na miguu ambaye hawezi kujishughulisha na kitu chochote na yeye na mama yake wanaishi kwa ndugu yao ambaye anafanya vibarua vya kubeba mizigo ya watu sokoni Mbalizi.
“Maisha yangu ni ya shida sijui nitapataje msaada wa mtoto huyu ambaye nimeambiwa Muhimbili anatakiwa kufanyiwa vipimo na baadaye kufanyiwa upasuaji na mimi sina mtu yeyote wa kunisaidia,” alisema Chengula kwa masikitiko. Aliongeza kuwa pamoja na kwamba hana uwezo wa kumsaidia mtoto wake, lakini anaamini atapata msaada mtoto wake aweze kuwa kama watoto wengine ingawa baba wa mtoto huyo alimkimbia baada ya kuambiwa mtoto ana tatizo.
“Baba wa mtoto alisema hamtaki mtoto na nisimpe jina lake mtoto huyu ni mkosi hataki kujihusisha naye, nahangaika peke yangu nikipata watu wa kunisaidia nitashukuru kwa sababu mimi naamini sio mkosi na atapona,” alieleza msichana huyo. Aidha, alisema katika kipindi chote hicho amemlea mtoto wake kama wa kiume na alimpa jina la kiume ingawa hajui jinsi yake.
“Kipindi chote hicho mimi namlea kama mtoto wa kiume kwa mavazi na jina nimempa la kiume, sasa nikiambiwa ni wa kike sijui nitaenda kuwaambia nini watu kule nyumbani, nadhani nitahama kabisa na sijui nitaenda wapi maana hawatanielewa,” alibainisha. Watoto kuzaliwa na jinsi mbili au isiyoeleweka Daktari Bingwa wa Upasuaji kwa Watoto, Zaituni Dkhary akizungumzia tatizo hilo, alisema mzazi yeyote anaweza kupata mtoto wa namna hii na kwamba tatizo hilo sio mkosi.
Dk Dkhary alisema wazazi mwanzoni huwa wanachanganyikiwa kwa sababu hawajui kama wataweza kuwa kawaida yaani wa jinsi moja walivyo watu wengine au la, lakini tatizo hilo lina ufumbuzi. “Na hakuna kesi yoyote ambayo tumeipata mzazi kurudi kulalamika kwamba kuna hali tofauti imetokea baada ya kuwasaidia, hapa Muhimbili tunawafanyia upasuaji vizuri kabisa kuwarekebishia maumbile na wanakuwa sawa kabisa,” alieleza Dk Dkhary.
Alisema madaktari wanaofanya upasuaji huo ni madaktari bingwa wa upasuaji wa watoto (Pediatric Surgeon) au madaktari bingwa wa upasuaj wa njia ya mkojo (Urologist Surgeon) na kama kuna kesi ngumu wanaweza kusaidiana lakini upasuaji huo ni wa kawaida kabisa. Daktari huyo alisema watoto ambao wanazaliwa wakiwa na maumbile hayo ni vigumu kuelewa jinsia yake kwa kumtazama kwa macho katika sehemu zake za siri kwani wanakuwa na viungo vya jinsia ya kike na pia ya kiume.
“Watoto hawa kwa mzazi hata mzalishaji inakuwa ni vigumu kutambua kwa kuangalia kwa sababu ukimuangalia mtoto sehemu zake za siri anakuwa na kiungo cha kiume na pia maumbile ya kike na kwa chini anakuwa na tundu la kukojolea,” alieleza. Anasema katika hospitali hiyo wanapokea watoto waliozaliwa katika hali hiyo wengi ambapo karibu kila wiki wanawafanyia upasuaji wa kurekebisha maumbile baada ya kuwafanyia vipimo mbalimbali na kubaini jinsi yake.
“Kama ni mtoto wa kike utamfanya awe wa kike kwa kurekebisha maumbile yake, na kama ni wa kiume hivyo hivyo, na ni lazima kufanya vipimo kadhaa kwanza ili kuhakikisha jinsi ya mtoto,” alisema na kuongeza kuwa hakuna sababu maalumu inayoweza kusababisha kupata mtoto mwenye tatizo hilo.
Alitaja vipimo hivyo kuwa ni pamoja na vya damu kujua vinasaba vya mtoto na pia kuchukua kijinyama kwenye mdomo wa mtoto kupima baada ya kuiotesha pamoja na kipimo cha MRI kuona viungo vya ndani vya mtoto ni vya jinsi gani.
CHANZO HABARI LEO

TENGA ATEULIWA KUWA MAKAMU WA RAIS WA KAMATI YA UFUNDI NA MAENDELEO CAF,TFF YAMPONGEZA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Kaimu Rais wa Shirikisho la Mpira wa Miguu Tanzania, Wallace John Karia amempongeza Leodegar Chilla Tenga - Rais wa Heshima wa TFF kwa kuteuliwa kuwa Makamu wa Rais wa Kamati ya Ufundi na Maendeleo ya Shirikisho la Mpira wa Miguu Afrika (CAF).

Leodegar Chilla Tenga aliteuliwa Ijumaa iliyopita katika Mkutano Mkuu wa CAF uliofanyika mjini Rabat nchini Morocco ambako katika kamati hiyo muhimu, Rais wa zamani wa Shirikisho la Mpira wa Miguu Zambia (FAZ), Kalusha Bwalya.

“Hii ni sifa kwa nchi. Na ni sifa kwa Mheshimiwa Tenga. Tunajisikia fahari Tanzania kung’ara katika medani za uteuzi katika vyombo vya kimataifa kama CAF. Uteuzi wake ni kwamba anafungua njia kwa nchi na wengine ili kufanya vema,” anasema.

Karia amesema ana imani na Tenga na Bwalya katika kamati yao kwa sababu ni wachezaji na manahodha wa zamani wa timu za taifa. Itakumbukwa kwamba Tenga alikuwa akicheza kama mlinzi Bwalya alikuwa mshambuliaji. “Wote ni wataalamu. wanajua, tutafanikiwa.”

Katika mkutano huo mbali na kuteua akina Tenga na kuunda kamati nyingine, pia ulifanya marekebisho ya muundo wa mashindano ya Kombe la Mataifa ya Afrika (AFCON) na sasa yatakuwa yakifanyika katikati ya mwaka badala ya mwanzoni mwa mwaka. 

Kwa miaka ya nyuma hadi mwaka huu ambako michuano hiyo ilifanyika Gabon, ilikuwa ikifanyika kuanzia katikati ya Januari hadi Februari. Mbali na kuzitoa Fainali za AFCON katikati ya mwaka hadi mwanzoni, pia idadi ya timu za kushiriki zimeongezwa kutoka 16 hadi 24 ambako sasa utakuwa na timu washindwa 10 badala ya mbili kama ilivyokuwa awali.

“Watanzania wasikate tamaa, hata kama kwa mfumo wa sasa unaofutwa au tuseme kubadilishwa, bado tuna malengo yetu yalikuwa ni kufuzu, Tunajipanga kwa hali ya sasa na hatujaanza vibaya na Lesotho. Bado tuna nafasi,” amesema Karia.

Michuano hiyo kuhamishwa kutoka Januari na Februari hadi Juni na Julai kuanzia Fainali za mwaka 2019 nchini Cameroon.

Hii si mara ya kwanza kwa Tenga aliyepata kuwa Mwenyekiti wa Baraza la Vyama vya Mpira wa Miguu Afrika Mashariki na Kati (CECAFA), bali amekuwa akiteuliwa mara kwa mara kuwa Mjumbe wa Kamati mbalimbali za CAF. Hongera sana Rais wa Heshima wa TFF, Leodegar Chilla Tenga.
 
Supported by Tone Multimedia Company Limited
Copyright © 2012. Dar es salaam Yetu - All Rights Reserved
Designed by Fredy Tony Njeje
Proudly powered by Blogs za Mikoa