Waziri wa Habari, Vijana, Utamaduni na Michezo, Dk. Fenella Mukandara azungumza na waandishi wa Habari , aipongeza Taifa Stars

 Waziri wa Habari, Vijana, Utamaduni na Michezo, Dk. Fenella Mukandara akinzungumza na  wanahabari  mchana  juu  jijini Dar es Salaam ofisini  kwake 

 Wanahabari  wakimsikiliza  waziri Mukandara

 Mpiga picha mkuu  wa Jambo  leo na kamanda wa matukio Richard Mwaikenda kulia akitafakari  swali na  kumuuliza  waziri

Mpigapiga  mkuu  wa gazeti la Jambo leo Richard Mwaikenda kulia akizungumza na  waziri Mukandara katikati  kushoto ni mkurugenzi wa maendeleo ya michezo Tanzania Bw,Leonard Thadeo 

..................................................................

Waziri wa Habari, Vijana, Utamaduni na Michezo, Dk. Fenella Mukandara azungumza na  wanahabari mchana  huu ikiwa ni  pamoja na kueleza mafanikio ambayo serikali  ya  Rais Jakaya  Kikwete  imeyapata  katika  ziara yake na Rais nchini Uingereza.

Mbali ya  kueleza  kusudio la  wahisani wa klabu ya  Sanderland kuja  kujenga Academy ya mpira wa miguu kupitia kampuni ya Symbion Power ya Marekani nchini Tanzania kama  njia ya  kukuza  michezo hapa nchini bado amesema kuwa  ujenzi  wa Academi hiyo utafanyika ndani ya  jiji la Dar es Salaam  ama  Kibaha na kumpongeza mbunge wa  jimbo la Ilala ambae  alianza  jitihada za kuomba msaada  huo .

Pia  waziri  huyo  amewataka  wabunge  nchini  kuendelea  kupigania  ujenzi  wa  viwanja vya michezo  katika maeneo yao  pamoja na kuiga mfano  wa mbunge wa  jimbo  la Ilala mhe. Zungu katika kuwawezesha  kupata viwanja vya kidongo chekundu

Kuhusu mchezo kati ya Taifa  Stars  Ivory Coast waziri  huyo  alisema 

anaipongeza  timu  hiyo kwa mchezo  wake wa  jumapili na  kuwa mbali ya  kufungwa ila bado timu  hiyo ilionyesha soko na kuwa serikali itaendelea  kuiunga mkono

TAARIFA KWA VYOMBO VYA HABARI KUHUSU UJENZI WA ACADEMY YA MPIRA WA MIGUU HAPA NCHINI

§  Kama mnavyofahamu, hivi karibuni Mheshimiwa Jakaya Mrisho Kikwete, Rais wa Jamhuri ya Muungano wa Tanzania alikuwa katika ziara yake ya kikazi nchini Uingereza.

§  Mhe. Rais alipokuwa nchini Uingereza alitembelea Club ya Sunderland. Mhe. Rais alihahidiwa kujengewa Academy ya Mpira wa Miguu na Kampuni ya Symbion Power ya Marekani ambayo itashirikiana na Club ya Sanderland katika kuindesha.

§  Hiyo Academy tunategemea itawezesha clubs zetu kupata wachezaji walio bora na walioandaliwa kuwa wachezaji wa taifa na kimataifa na hivyo kuboresha timu yetu ya Taifa na kuendelea kukuza muamuko wa masuala ya mpira wa miguu nchini.

§  Tunatarajia suala hili litafanyika na kutekelezwa mapema iwezekanavyo

§  Katika mpango  huo, Kampuni ya Symbion pia itajenga viwanja vya michezo (sports courts) pale Kidongo Chekundu. 

§  Kutokana na umuhimu wa suala hili, viongozi wakuu wa Kampuni ya Symbion wanatarajia kuja hapa nchini na nitakutana nao kwa ajili ya makubaliano mbalimbali na maandalizi ya utekelezaji.

§  Hivi sasa kama Serikali tunatafuta sehemu itakayojengwa Academy hiyo.  

§  Matarajio au nia yetu ni kujenga Academy hiyo Dar es Salaam au maeneo yaliyo karibu na Dar es Salaam.

§  Napenda nichukue fursa hii kumshukuru sana Mh. Rais kwa kufanikisha suala hili.

§   Napenda pia kumshukuru Mbunge wa Ilala Mhe. Mussa Zungu Azzan kwa kuwezesha kupatikana kwa viwanja vya Kidongo Chekundu.

 §  Napenda pia kutumia fursa hii kuwapongeza na kuwashukuru vijana wetu wa timu ya Taifa ”Taifa Stars” kwa juhudi na mchezo mzuri waliouonyesha wakati wa mechi yao na Timu ya Taifa ya Ivory Coast jumapili iliyopita.  Tupo pamoja nao na tutaendelea kuhakikisha tunawajengea uwezo zaidi ili waweze kupata mafanikio makubwa huko mbeleni.

§  Huko tunakoelekea, Academy itakuwa chimbuko la kupata wachezaji wazuri wa timu ya Taifa.

 

Asanteni kwa kunisikiliza

 

Picha na Francis Godwin