Kumtumikia Mungu kuna faida - Emmanuel Mbasha

Na Godfriend Mbuya

Msanii wa nyimbo za Injili nchini Emmanuel Mbasha amesema katika maisha yake jambo kubwa ambalo anaona fahari ni kumtumikia Mungu na kwa kufanya hivyo ameona Mungu akimpigania katika mambo mengi magumu.

Akizungumza na EATV Mbasha amesema kabla hajaokoka alishafanya kazi mbalimbali za kisanii na makundi ya muziki wa kidunia kwa kufanya Hip Hop lakini mafanikio yake na amani ya kweli ameiona baada ya kuanza kufanya kazi za kuhimiz jamii kuhusu habari ya ukuu wa Mungu kwa njia ya uiambaji.

“Mimi nilikuwa nina rap na akina marehemu Albert Mangwea na wengine wengi ila nikafika mahali nikaona bila Mungu mambo mengine ni batili hivyo baada ya kuokoka nimeona Mungu akinishindia mengi na anazidi kunivusha hatua kwa hatua, ndiyo maana hata kesi yangu Mungu ndiye aliyenipigania nikashinda na sasa nipo huru”-  Amesema Mbasha.

Aidha Mbasha amesema katika video mpy ambayo ameiachia hivi karibuni ya ‘Haribu Mipango ya Shetani’ ametunga albamu nzima yenye nyimbo 10 ambazo zipo kwa mtindo wa audio na albamu nzima itakwenda kwa jina la ‘Haribu Mipango ya Shetani’ ambapo ujumbe wake ni mahususi kwa jamii katika kuelimisha na kutia moyo juu ya ukuu wa Mungu.

Pamoja na hayo Mbasha amesema ni vyema vijana wakatambua katika harakati za kusaka maisha ni vyema kuthamini na kutambua Mungu ndiye muweza wa yote hivyo kumtegemea yeye kutafanikisha ndoto zao za kusaka maisha.