Spika Ndugai apongeza Naibu wake Dkt Tulia Ackson kwa kuongoza Bunge vyema

Na Godfriend Mbuya

Spika wa Bunge la Jamhuri ya Muungano wa Tanzania Job Ndugai amesema anampongeza Naibu Spika wa Bunge Dkt. Tulia Ackson kwa namna ambavyo aliongoza bunge la bajeti ambalo lilidumu kwa siku 70 wakati  ambapo yeye muda mwingi alikuwa kwenye matibabu nchini India.

Akizungumza kabla ya kuanza kwa maswali na majibu katika mkutano wan ne wa Bunge la 11 la Jamhuri ya Muungano wa Tanzania, Spika Ndugai ametumia fursa hiyo kuwashukuru wabunge na umma kwa namna walivyomwombea akiwa kwenye matibabu na hatimaye kurejea salama.

“Ninampongeza Naibu Spika kwa namna alivyoongoza Bunge akishirikiana na viongozi wengine, kazi aliyofanya ni ya kupigiwa mfano kwa bunge lililodumu kwa siku 70 kuanzia April 19 hadi Juni 30 mwaka huu” Amesema Ndugai.

Aidha Spika Ndugai amewata waqbunge wote wa Bungen la Jamhuri ya Muungano wa Tanzania kushirikiana katika kuhakikisha wanatimiza wajibu wao wa kibunge.

Katika mkutano wa leo maswali mbalimbali katika wizara za maji, afya, sheria, kilimo. Mawasiliano yamweza kuulizwa na wabunge na kupatiwa majibu na serikali.