MSANII CHID BENZ NA WENZAKE WAKAMATWA KWA TUHUMA ZA DAWA ZA KULEVYA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Watu saba akiwemo msanii wa Bongo Fleva Chid Benz ambaye jina lake halisi ni Rashid Makwiro wamekamatwa na Jeshi la polisi Mkoa wa Kipolisi Ilala kufuatia msako uliofanyika hivi karibuni na kubainika kukutwa na dawa za kulevya aina ya Heroine.

Kamanda wa Polisi Mkoa wa Ilala,Salum Hamduni alisema watuhumiwa hao walikamatwa Agosti 12 majira ya saa 11.50 jioni wakijihusisha na uuzaji wa dawa za kulevya. 

‘’Chid Benz na wenzake wapo kituo cha polisi cha Msimbazi ambapo tunaendelea na upepelezi ukikamilika tutawafikisha mahakamani na kiasi cha dawa zilizokamatwa zimepelekwa kwa Mkemia mkuu na itajulikana ni kiasi gani za dawa za kulevya zilizokamatwa”,alisema Hamduni.

Kamanda huyo alisema kuwa baada ya kuwakamata vijana hao,sasa wanajikita kusaka mtandao mzima unaohusika na biashara hiyo ili kuhakikisha hatua kali zinachukuliwa dhidi yao.