mfuko wa pensheni wa pspf

GET YOURS

GET YOURS
Sikiliza Tone Radio Live Hapa, na Tembelea Website yetu www.toneradiotz.com

MKAPA ATOA YA MOYONI RAIS 2015

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Rais Mstaafu, Benjamin Mkapa, amezungumzia mbio za kuwania urais wa 2015 kupitia Chama Cha Mapinduzi (CCM), akitaja sifa za mtu anayepaswa kuteuliwa kuwa mgombea wake, ikiwamo ya kukubalika na kuuzika kwa jamii.

Amesema kukubalika na kuuzika kwa mtu katika siasa kunatokana na utendaji, haiba, wasifu na ushawishi wa mtu huyo ndani ya chama na serikalini na kwamba, umri siyo kigezo cha kuangaliwa ingawa siyo dhambi vijana wakajitokeza kujitosa katika kinyang’anyiro hicho. 

Mkapa, ambaye anasifika kwa kuwa kiongozi jasiri na asiyemung’unya maneno, alisema hayo wakati akihojiwa na televisheni ya Citizen ya nchini Kenya, kwa njia ya simu.

Alikuwa akihojiwa juu ya kifo cha Rais wa Zambia, hayati Michael Satta, aliyefariki dunia, jijini London, nchini Uingereza Jumanne wiki hii.

Katika mahojiano hayo, Mkapa pia aliulizwa na mwandishi kuhusu Tanzania kutazamiwa kufanya uchaguzi mkuu mwakani huku mambo mengi yakisikika, hasa kwa wanaojitokeza kupitia CCM kutaka kuwania urais katika uchaguzi huo hadi wengine kufikia kuadhibiwa na chama. 

Kabla ya kujibu, Mkapa alianza kwa kucheka na kisha akasema anachelea kupata jibu sahihi kuhusiana na swali aliloulizwa na mwandishi. 


“…Ila niseme CCM ni chama kikongwe na kina hazina kubwa ya kutosha. Na Katiba ya chama chetu inaelezea kuhusu dhumuni la chama chetu, kubwa ikiwa ni kuhakikisha tunakamata dola, kuanzia serikali za mitaa mpaka serikali kuu. Sasa swali ni kwamba, dola inakamatwaje?” alihoji Mkapa.

Aliongeza: “Chama kama chama lazima muwe na mtu anayeuzika na kukubalika katika jamii kwa utendaji wake, haiba yake, wasifu wake (ndani ya chama na serikali). 

“Lakini vile vile, ushawishi wake...Haya mambo ya umri na kadhalika, sisi hatukutazama wakati huo. Ila siyo dhambi vijana wakijitokeza. Maana yake hata wakati wangu, Rais wa sasa Mheshimiwa Kikwete na kina Lowassa walijitokeza. Na leo unaona Kikwete ndiye Rais.”


Alisema wakati wa utawala wake, viongozi wenzake wengi walihisi na kuamini kuwa hakuwa akimuunga mkono Rais Kikwete. 

“Lakini mwandishi, nataka nikuhakikishie, hata kama mimi Ben Mkapa siko na Kikwete, mwisho wa siku wanachama ndiyo watakaosema wewe humtaki ila sisi tuachie huyo huyo...,” alisema Mkapa.  

Aliongeza: “Na hayo yalijitokeza mwaka 2005. Watu walimtaka Mheshimiwa Kikwete. Sasa mimi kuwa mwenyekiti wa chama hakunipi Mandate (mamlaka) ya kushindana na walio wengi. Na mliona (Kikwete) alishinda kwa asilimia kubwa kweli kweli”.

“Hivyo CCM ina taratibu zake na wanajua nani anafaa. Maana yake siasa hizi, tuhuma zingine za kipuuzi kweli kweli. Sasa mkiendekeza tuhuma, mwishowe mnakuta mnabaki bila chama. Na kwenye siasa mkianza kutuhumiana, hakuna wa kusimama...” 

Alisema yeye binafsi, anaamini chama kitapata mtu safi, mwenye nguvu ya kukisaidia chama na serikali na kuendeleza yatakayoachwa na Rais Kikwete.

Mkapa alisema hakuna chama duniani kinachoona fulani atakivusha halafu kimwache na kusema kufanya hivyo, maana yake ni kukiua chama.

“Hivyo, hata sisi vyombo vyetu vya ndani vilikuwa vinatueleza kabisa kwamba, fulani yuko vizuri sana. Ila labda kuna aka katatizo. Sasa ako katatizo tunakafanyia kazi kwa maslahi ya chama na kwa maslahi ya huyo ajaye,” alisema Mkapa na kuongeza kuwa ana amini ndivyo ilivyo mpaka sasa. 

Alisema tafiti zimefanyika na kwamba, anaamini wamesikika watu wakisema wanamtaka nani. 

“Na wakati wangu mimi mgombea alikuwa ameshatungiwa nyimbo na watu mbalimbali wenye mapenzi naye. Hivyo, labda hata sasa yaweza kuwa hivyo...Waswahili walisema nyota njema huonekana asubuhi,” alisema Mkapa.

Aliongeza: “Nimalizie kama nilivyosema, ukongwe wa CCM na viongozi wake, naamini watapata mtu bora na mwenye nia njema na Taifa hili...”

Akijibu kuhusu wana CCM waliotajwa kwamba, anaamini yupo mmoja au wawili, ambao ameona wanaweza ama kufuata nyayo zake au za Mwinyi au za Mwalimu Nyerere au za Rais Kikwete, kwanza alianza kwa kucheka.

Baada ya kicheko, Mkapa alisema Tanzania kuna Kamati ya Maadili na kwamba, yeye na wenzake hivi sasa kikatiba ni wazee washauri, hivyo akasema vikao vya chama ndivyo vitakavyowaongoza na baada ya hapo, nao wanaenda na mtu huyo huyo.

Makada wa CCM waliowahi kutuhumiwa kuanza kampeni za kuwania urais mwaka 2015 kabla ya kuzuiwa na chama kupitia Kamati yake Ndogo ya Udhibiti na Nidhamu kujihusisha na suala hilo kwa miezi 12, huku mienendo yao ya kisiasa ikifuatiliwa, ni pamoja na Naibu Waziri wa Mawasiliano, Sayansi na Teknolojia, January Makamba.

Wengine ni Waziri Mkuu wa zamani, Edward Lowassa; Waziri Mkuu mstaafu, Frederick Sumaye; Waziri wa Mambo ya Nje na Ushirikiano wa Kimataifa, Bernard Membe; Waziri wa Nchi, Ofisi ya Rais (Uhusiano na Uratibu), Steven Wassira.

Yumo pia aliyewahi kuwa Waziri wa Nishati na Madini, ambaye ni Mbunge wa Sengerema, William Ngeleja. 

Waziri Mkuu, Mizengo Pinda, pia hivi karibuni alikaririwa na Shirika la Utangazaji la Uingereza (BBC) akitangaza nia yake ya kuwania urais 2015. Mwingine aliyekwisha kutangaza nia ya kuwania urais mwakani ni Mbunge wa Nzega, Dk. Hamis Kigwangalla.

KUHUSU USHIRIKIANO WA VYAMA VYA UPINZANI (UKAWA)

Akijibu swali kuhusu ushirikiano uliosainiwa na vyama vya Chadema, CUF, NCCR-Mageuzi na NLD wa kusimamisha mgombea mmoja katika chaguzi, kuanzia ngazi ya serikali ya mtaa hadi urais kama ilivyokuwa kwa Kenya, Mkapa alisema bado hajajua
sera za vyama hivyo na namna makubaliano yao yalivyo.

Alisema pia bado hajaelewa kama inawezekana kuufananisha ushirikiano wa vyama hivyo na muungano wa Coard na Jubilee uliokuwapo nchini Kenya.

“Otherwise I'd like to wish them all the best (vinginevyo ningependa kuwatakia kila kheri),” alisema Mkapa na kumfanya mwandishi aangue kicheko.

KIFO CHA RAIS SATTA

Akimzungumzia hayati Rais Satta, Mkapa alisema hakuitwa “King Cobra” kimakosa, bali alistahili kutokana na uwezo aliokuwa nao ama wa kimaamuzi au wa kimsimamo. 

“Nina hakika sana kwamba Wazambia na sisi kama Mataifa ya Afrika tutamkumbuka daima ndugu Satta. Satta daima alikuwa kwa ajili ya watu wake na Bara letu kwa jumla. Alisema na kusimamia kile alichokiamini kuwa ni cha kweli na chenye mafanikio, Satta ataendelea kuwa kiongozi mzuri daima,” alisema Mkapa.

Aliongeza: “Hivyo, maumivu yanayotukabili kwa kumpoteza Mzee Nyerere, Mzee Nkrumah, Mzee Mandela, Mzee Kenyatta ni sawa na yale yanayotukabili leo tunapomjadili Mheshimiwa Satta (Inatosha kusema kwamba tumempoteza shujaa mwingine katika Bara letu) Naitakia roho yake mapumziko ...”

Akijibu swali namna anavyoziona siasa za Afrika akiwa Rais mstaafu, Mkapa alisema ni kawaida na hana jambo kubwa la kusema japo kuna mengi yanatokea, ambayo mengine ni ya hovyo. 

“Mathalan, Waafrika wazee wetu, walipigania sana ukombozi wetu. Ila nadhani wengi bado kuna watu wana matatizo na wanahitaji kukombolewa kifikra,” alisema Mkapa. 

Aliongeza: “Maana yake kuna wenzetu wanatumika pasipo kujua na kusababishia nchi zao kuingia katika matatizo, kama vita na wengi wao wameanza kujuta”

“Hivyo, ni lazma ifikie mahali watu waweze kujitambua na kujua ni yepi malengo mema kwa Bara letu ni yepi tunashinikizwa...” aliongeza kusema Mkapa.
 
CHANZO: NIPASHE

LOWASSA AMUOMBEA RADHI SITTA KWA KANISA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.


Wakati Katiba iliyopendekezwa na Bunge Maalum la Katiba (MBK) ikitarajia kuingia katika hatua ya kura ya maoni mwakani, Waziri Mkuu Mstaafu, Edward Lowassa, ameibuka na kuliomba radhi Kanisa Katoliki kufuatia mgongano iliyojitokeza kati ya kanisa hilo na baadhi ya viongozi serikali na wa Bunge hilo.

Lowassa ambaye pia ni Mbunge wa Monduli, aliomba msamaha huo wakati akitoa salamu zake katika sherehe za maadhimisho ya miaka 50 ya Kanisa Katoliki Jimbo la Mahenge, mkoani Morogoro.

Alisema Kanisa Katoliki lina mchango mkubwa katika kudumisha amani na mshikamano nchini, hivyo mambo yaliyojitokeza yanapaswa kusamehewa.

“Najua hivi karibuni tumewaudhi, lakini mimi naomba mtusamehe bure tu, kama vile mzazi anavyomsamehe mtoto wake anapokosea,” alisema Lowassa na kuongeza kuwa Kanisa Katoliki ni muhimu katika maendeleo ya nchi.

Ingawa Lowassa hakueleza kwa undani tofauti zilizojitokeza kati ya Kanisa hilo na baadhi ya viongozi wa serikali, lakini  wakati BMK likiendelea, taasisi za dini zilisambaza waraka uliosainiwa na viongozi wake ukilikosoa Bunge hilo kwa mambo mbalimbali ikiwamo kuendelea kujadili rasimu bila maridhiano kutokana na wajumbe wa Umoja wa Katiba ya Wananchi (Ukawa) kususia.

Kadhalika, viongozi wa madhahebu hayo ya Baraza la Maaskofu Tanzania (TEC), Baraza la Kikiristo Tanzania (CCT) na Makanisa ya Pentekoste Tanzania (PCT), walilikosoa BMK kwa kupuuza maoni ya wananchi yaliyokuwa katika Rasimu iliyoandaliwa na Tume ya Mabadiliko ya Katiba.

Waraka huo ulisababisha aliyekuwa Mwenyekiti wa Bunge hilo, Samuel Sitta, kujiweka katika wakati mgumu kwa kuzua mgogoro dhidi ya viongozi wa dini ya Kikristo, baada ya kuita waraka huo kuwa ni wa kipuuzi na wa hovyo hovyo.

Sitta ambaye alitoa kauli hiyo Oktoba Mosi mwaka huu, alinukuliwa na vyombo vya habari akisema kuwa waraka wa maaskofu una lugha ya Ukawa, ingawa maaskofu kwa upande wao waliueleza kuwa ni waraka wa kinabii, kwa ajili ya maslahi mapana ya nchi.

Sitta alitoa kauli ya kuuponda waraka huo bungeni alipokuwa akielezea mwenendo wa upigaji kura za kupitisha ibara na sura za rasimu ya katiba iliyopendekezwa kabla ya upigaji wa kura na wakati wa kutangaza matokeo, akisema watu wa Mungu kama maaskofu hawawezi kutoa waraka kama huo na kudai kuwa amekuwa akituhumiwa kwenye mitandao kwamba anadharau maaskofu.

“Nimalizie na viongozi wangu wa kiroho…mababa zangu maaskofu, natuhumiwa sana kwenye mablog kwamba nadharau maaskofu. Wakiwa na matendo kama hayo hao baadhi ya maaskofu itabidi tuendelee kuwadharau,” alisema na kuongeza:

“Ninao waraka huu ambao umelazimishwa kutumwa katika makanisa. Sioni utukufu wa Ukristo katika waraka huo. Huu waraka unamwamuru Rais airudishe Tume ya Mabadiliko ya Katiba.”

 Kuna Ukristo hapa?” alihoji na kuendelea: “Waraka huu unamlazimisha Rais asitishe mchakato wa Bunge Maalum…tangu lini watu wa kiroho wanatoa maagizo ya kisiasa? Hii sio haki hata kidogo…kuna Ukristo hapa? Waraka una lugha za wale Ukawa tuliowazoea.”

“Hivi kweli maaskofu wa Kikristo wanaweza kusema kwamba Wizara ya Katiba na Sheria irudishe tovuti ya Tume ya Jaji Warioba na kuirejeshea nyaraka zake zote ili wananchi wasome na kujifunza?” alihoji Sitta.

“Kwamba maoni ya wananchi hayawezi kufutwa na kudharauriwa na chama tawala, hivyo basi Bunge la Katiba lijadili na kuboresha tu rasimu ya katiba na si kubadilisha,” alisema Sitta.

“Waraka huu kwa shinikizo la maaskofu umesambazwa kwenye makanisa na kusomwa. Mimi nasema kama Mkristo, tukianza kuruhusu nchi yetu kutoa nyaraka hizi za kisiasa zisomwe makanisani kwa kudai huo ni msimamo wa maaskofu, basi nchi hii tutaipeleka kubaya.

“Na mini kama mtu mzima lazima nionye kuhusu tabia hii, ukizingatia nchi hii haina dini, hawa baadhi ya maaskofu ambao walikusanywa Dar es Salaam na makundi yale yale yanayohusishwa na Ukawa, kama wao ni wanachama wa siri wa vyama vya siasa vinavyochukia CCM wajitokeze waziwazi,” alisema Sitta.

Sitta aliendelea kunukuu waraka huo kwamba kuna askofu mmoja ameapa kwamba atawaelimisha waumini wake ili siku za usoni wawashughulikie viongozi kama mimi (Sitta). Nasema aendelee, lakini Mungu anaona yote yaliyo moyoni mwetu.”

Baada ya Sitta kutoa kauli hiyo, Askofu wa Jimbo la Katoliki la Bunda, Mhashamu Renatus Nkwande, alisema matamshi ya Sitta yanaonyesha anavyohangaika kualalisha kilicho haramu.

Alisema kitendo cha Sitta kuendesha BMK kwa kukejeli wajumbe wenzake walioondoka bungeni (Ukawa) na wajumbe walioandaa rasimu ya pili kwenye Tume ya Katiba Mpya chini ya Jaji Joseph Warioba, ni jambo la aibu ambalo halivumiliki, na ndiyo maana walitoa waraka wa kutokubaliana nacho.

“Kwa kweli Sitta ametutukana, ametafuta ubaya kwa viongozi wa dini, kwa kuwa tumesema ukweli ? Sisi tulikuwa tunatimiza wajibu wetu kwa Wakristo …tulizungumza kutokana na hitaji la wakati, na ulikuwa waraka wa unabii,” alisema.

Viongozi wengine wa kanisa Katoliki waliojibu kauli za Sitta ni Makamu Mwenyekiti wa TEC, Askofu Severine Niwemugizi na Askofu Msaidizi wa Jimbo la Bukoba, Dk. Methodius Kilaini, ambaye alinukuliwa akisema kuwa Sitta amelewa madaraka.
CHANZO: NIPASHE

Muigizaji Mzee Manento amefariki Dunia.


Habari zilizotufukia hivi punde zinasema kuwa muigizaji Mzee Manento amefariki dunia hapo jana. Bado tunafuatilia kwa karibu habari hizi nz chanzo ch kifo cha mzee wetu huyu.
Mzee Mnento atakumbukwa hasa kwa filamu alizocheza kiumakin na marehemu Kanumba. Hero of 

the church, Dar to lagos,fake pastor n.k pumzika kwa Amani


Mungu ailaze Roho ya maerehemu mahali pema peponi amina.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

KIWANGO CHA UMASKINI CHASHUKA NCHINI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Kiwango cha umaskini nchini kimepungua kutoka asilimia 34.4 hadi asilimia 28.2 huku asilimia 96 ya  Watanzania wakiwamo wakulima wakiendelea kutumia zana duni za kilimo kama jembe la mkono.

Hayo yalibainishwa jana na Waziri wa Fedha, Saada Mkuya Salum, wakati wa uzinduzi wa chapisho kuu la utafiti wa mapato na matumizi ya kaya binafsi wa mwaka 2011/12 kwa upande wa Tanzania Bara.

Baadhi ya taarifa muhimu zilizopo kwenye chapisho hilo ni pamoja na zile zinazohusu mapato, matumizi na manunuzi ya kaya, elimu, afya, shughuli za kiuchumi na ajira.
Mkuya alisema utafiti huo ni wa nne kufanyika nchini tangu uhuru mwaka 1961 ambao unaonyesha mwenendo wa hali ya umaskini kwa kuangalia kiwango chake na makundi yaliyoathirika zaidi. 

Waziri Mkuya, alisema matokeo ya utafiti huo yanaonyesha kwamba umaskini nchini umepungua kutoka asilimia 34.4 mwaka 2007 hadi asilimia 28.2 mwaka 2011/12.

Alisema matokeo hayo pia yanaonyesha kwamba kiasi cha Sh. 36, 482 kinahitajika kukidhi mahitaji ya msingi ya mtu mzima kwa mwezi ikilinganishwa na Sh. 19, 201 kwa mahitaji ya jinsi hiyo mwaka 2007.

Utafiti huo pia unaonyesha kuwa kiasi cha Sh. 26, 085 kinahitajika kukidhi mahitaji ya chakula kwa mtu mzima kwa mwezi ikilinganishwa na Sh. 12, 444 kwa mahitaji kama hayo mwaka 2007.

“Hii ni hatua nzuri inayostahili kuendelezwa kwa kuongeza juhudi zaidi katika eneo la ukuaji wa uchumi ili kuboresha maisha ya watu na ustawi wa jamii yetu,” alisema.

Hata hivyo, utafiti huo unaonyesha kwamba asilimia 96.5 ya kaya zinazojishughulisha na kilimo bado zinatumia jembe la mkono huku asilimia 0.1 pekee ya kaya ndiyo zinazotumia zana za kisasa kama vile jembe la plau na trekta.

Aidha, ushiriki wa benki katika shughuli za biashara ngazi ya kaya pia bado ni mdogo katika utoaji wa mitaji ya kuanzisha biashara katika ngazi hiyo.

Gavana wa Benki Kuu ya Tanzania (BoT), Prof. Benno Ndulu, alizishauri taasisi za kifedha zikiwamo benki kupunguza kiasi cha riba kwa wananchi wanaotaka kukopa fedha kwenye
CHANZO: NIPASHE

WATENDAJI WAKUU WA SERIKALI WAPEWA ANGALIZO KUHUSU SIASA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Serikali imewaagiza watendaji wake wakuu kujiepusha na siasa wakati huu wa kuelekea uchaguzi mkuu mwakani, badala yake waendelee kuwa watiifu kwake na rais aliye madarakani.

Agizo hilo limetolewa na Katibu Mkuu Kiongozi, Balozi Ombeni Sefue, alipokuwa akifunga mkutano wa makatibu wakuu wa wizara na makatibu tawala wa mikoa mjini hapa.

Alisema viongozi hao ambao ndiyo watendaji wakuu serikalini hawapaswi kujiingiza kwenye mihemko yakisiasa wakati wa uchaguzi mkuu mwakani kwa kuwa ni watumishi wa umma na siyo wanasiasa.

“Joto la siasa wakati wa uchaguzi linapanda sana, nawaasa msijisahau kwamba utii na uaminifu wao ni kwa Rais aliyeko madarakani na serikali yake mpaka rais mwingine atakapopatikana na kuapishwa,” alieleza Balozi Sefue.

Alisema wao kuwa watendaji wakuu wa serikali, wanawajibika kuhakikisha uchaguzi mkuu unakwisha salama,  na wawashauri wanasiasa bila kuingizwa kwenye siasa kwa kuzingatia sheria, kanuni na taratibu za utumishi wa umma badala ya maelekezo ya wanasiasa.

Katika hatua nyingine, Balozi Sefue alisema kura ya maoni ya kupitisha ama kuikataa Katiba inayopendekezwa itafanyika kabla ya uchaguzi mkuu wa mwakani.

“Mchakato wa Katiba Mpya hautaahirishwa kupisha uchaguzi mkuu, utaendelea kama ambavyo sheria inaelekezwa na mkanganyiko wa tarehe ya kuanza rasmi shughuli za upigaji wa kura ya maoni anaoonekana kwenye kauli za viongozi kutokana na mambo mengi yanayotakiwa kushughulikiwa kabla ya hatua hiyo kutekelezwa,” alisema.

Alisema mpaka sasa mpango uliyopo ni kuwa wakati wowote kuanzia mwishoni mwa Aprili, shughuli hizo zinaweza kuanza na kusisitiza kuwa serikali haijaamua wala kutamka tarehe rasmi ya kufanyika kura ya maoni.
CHANZO: NIPASHE

SHAHIDI AELEZA KAMPUNI ILIVYOPATA USAJILI KESI YA MHANDO WA TANESCO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Shahidi Atanas Kalihamwe, amedai mahakamani kuwa Kampuni ya Santa Clara Supplies Ltd ilipata zabuni katika Shirika la Umeme Tanzania (Tanesco) miezi minne baada ya kupata usajili.


Kadhalika, shahidi amedai katika kesi inayomkabili aliyekuwa Mkurugenzi wa Tanesco, William Mhando, mke wake Eva Mhando, na wenzao watatu, ya matumizi mabaya ya madaraka, kughushi na kujipatia Sh. milioni 31.7 kwa njia ya udanganyifu kwamba kabla ya hapo kampuni hiyo ilikuwa ikifanya shughuli zake bila usajili.

Kalihamwe ambaye ni Mkuu wa Manunuzi wa Tanesco, alitoa madai hayo jana mbele ya Hakimu Mkazi FrankMoshi anayesikiliza kesi hiyo wakati akiongozwa na Mwendesha Mashitaka wa Taasisi ya Kuzuia na Kupambana na Rushwa (Takukuru), Leonard Swai.

Alidai kuwa nyaraka za zabuni za kampuni ya SantaClara Supplies Ltd zinaonyesha zilisainiwa na Eva Steven William Agosti 5, mwaka 2011.

“Mheshimiwa hakimu kampuni ya Santa Clara Supplies Ltd ilipata zabuni miezi minne baada ya  kusajiliwa kisheria na kwamba kabla ya hapo kampuni hiyo ilikuwa ikifanya shughuli zake ikiwa haina usajili,” alidai shahidi huko.

Hata hivyo, alidai kuwa kumbukumbu zinaonyesha tangu kampuni hiyo ishinde zabuni haijawahi kupata dosari kwa sababu ilitimiza majukumu yake.

Kesi hiyo imeahirishwa hadi Novemba 18, mwaka huu itaakapotajwa na itaendelea kusikilizwa ushahidi wa Jamhuri Desemba 8 hadi 10, mwaka huu.

Katika kesi ya msingi, Mhando anakabiliwa na matumizi mabaya ya madaraka kwa kuipa zabuni Kampuni ya Santa Clara Supplies Ltd, huku akijua ana maslahi nayo na kwamba anaimiliki yeye, mke na watoto wake.
CHANZO: NIPASHE

WAZIRI NAGU: USHIRIKIANO UTASAIDIA KUKUZA UCHUMI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Waziri wa Nchi, Ofisi ya Waziri Mkuu (Uwekezaji na Uwezeshaji), Dk. Mary Nagu, amewataka Watanzania kushirikiana katika kukuza uchumi wa nchi.

Nagu alitoa kauli hiyo jana jijini Dar es Salaam wakati wakutiliana sahini makubaliano ya ushirikiano kati ya Shirikisho la Mafundi Samani Tanzania (Tawofe) na Furniture Center.

Makubaliano hayo yana lengo la kuhakikisha wafanyabiashara wakubwa na wadogo wanashirikiana katika kuinua uchumi wa nchi kwa kutumia bidhaa za ndani.

Alieleza kuwa umoja huo unatakiwa kushirikiana na Jeshi la Kujenga Taifa na Magereza ambao wanatengeneza samani bora.

Shafik Bhatia, Mkurugenzi wa Furniture Center, alisema ushirikiano huo ni mwanzo mzuri katika kutangaza nchi kwa bidhaa za ndani.

Aliongeza kuwa kama wafanyabiashara wakubwa na wadogo watashirikiana anaamini Tanzania inaweza kupiga hatua katika maendeleo ya viwanda kama Japan na Singapore. 
Mwenyekiti wa AWOFE, Frederick Waibi, alisema ushirikiano huo umetokana na maazimio waliyotoa walipokutana na Waziri Nagu.
CHANZO: NIPASHE

RAIS MHE. DKT. JAKAYA MRISHO KIKWETE AWASILI NCHINI


 Rais wa Jamhuri ya Muungano wa Tanzania, Mhe. Dkt. Jakaya Mrisho Kikwete akiwasili nchini leo katika Uwanja wa Ndege wa Kimataifa wa Mwalimu Julius K. Nyerere ulioko jijini Dar es Salaam mara baada ya kumaliza ziara yake ya kikazi nchini China na Vietnam.
Rais wa Jamhuri ya Muungano wa Tanzania, Mhe. Dkt. Jakaya Mrisho Kikwete akizungumza na Mkuu wa Majeshi ya Ulinzi Jenerali Davis Mwamunyange (kushoto) leo katika Uwanja wa Ndege wa Kimataifa wa Mwalimu Julius K. Nyerere pamoja na baadhi ya viongozi wengine mara baada ya kumaliza ziara yake ya kikazi nchini China na Vietnam. PICHA NA BENEDICT LIWENGA, MAELEZO-DSM

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Rais Kikwete aomboleza kifo cha aliyekuwa Rais wa Zambia Michael Sata

President-Michael-Sata-view.com_.ng_
Rais wa Jamhuri ya Muungano wa Tanzania, Mheshimiwa Jakaya Mrisho Kikwete ameshtushwa na kusononeshwa sana na taarifa za kifo cha Rais wa Jamhuri ya Zambia, Mheshimiwa Michael Chilufya Sata (pichani) ambacho kimetokea jana, Jumanne, Oktoba 28, 2014 kwenye Hospitali ya King Edward VII, London, Uingereza, ambako alikuwa anatibiwa akiwa na umri wa miaka 77.
Katika salamu ambazo amempelekea Makamu wa Rais wa Zambia, Mheshimiwa Dkt. Guy Scott kupitia Wizara ya Mambo ya Nje na Ushirikiano wa Kimataifa, Rais Kikwete amesema:
“Nimepokea kwa mshtuko mkubwa na huzuni nyingi, habari za kusikitisha za kifo cha Mheshimiwa Michael Chilufya Sata, Rais wa Jamhuri ya Zambia. Kwa niaba ya Serikali na Wananchi wa Jamhuri ya Muungano wa Tanzania, na hakika, kwa niaba yangu mwenyewe, napenda kukutumia wewe Mheshimiwa salamu za rambirambi za dhati ya moyo wangu, na kupitia kwako familia ya wafiwa na ndugu wa Hayati Rais Sata pamoja na Serikali na ndugu zetu wananchi wote wa Zambia kufuatia msiba huu wa ghafla.”
Ameongeza Rais Kikwete: “Hayati Sata atakumbukwa daima kama mmoja wa viongozi wa mfano wa kuigwa katika Afrika. Katika kipindi chake kifupi cha uongozi wa juu wa Zambia, alifanikiwa kuleta mageuzi makubwa katika maisha ya wananchi wengi wa Zambia. Atakumbukwa pia kwa imani yake isiyoyumba ya kupigania uhuru, haki na usawa, sifa ambazo zilimfanya kiongozi mpendwa ndani na nje ya mipaka ya Jamhuri ya Zambia.”
Ameongeza Rais Kikwete: “Hivyo, huyu ni kiongozi ambaye siyo tu atakumbwa na wananchi wa Zambia lakini atakumbukwa na sisi sote wenzake na watoto wote wa Afrika.”
“Katika kipindi hiki kigumu cha majonzi na huzuni, tunaungana nanyi kuomboleza na kumwomba Mwenyezi Mungu awape nguvu na subira wana familia ya wafiwa, jamaa na ndugu zetu wote wa Zambia ili waweze kuhimili machungu ya kipindi hiki cha msiba mkubwa. Aidha, tuko pamoja nanyi katika kumwomba Mwenyezi Mungu aiweke pema roho ya Marehemu Michael Chilufya Sata.”
Imetolewa na;
Kurugenzi ya Mawasiliano ya Rais,
Ikulu – Dar es Salaam.
29 Oktoba,2014.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

WAZIRI WA FEDHA -SAADA MKUYA AONGOZA UZINDUZI WA CHAPISHO KUU LA UTAFITI WA MAPATO NA MATUMIZI YA KAYA BINAFSI 2011-2012-TANZANIA BARA


 Waziri wa Fedha, Saada Mkuya Salum, ambaye alikuwa mgeni rasmi kwenye uzinduzi huo uliofanyika ukumbi wa Kimataifa wa Mwalimu Nyerere Dar es Salaam leo asubuhi akihutubia.
 Mwakilishi wa Benki ya Dunia,  Philippe Dongier, 
akihutubia katika hafla hiyo. (Imeandaliwa na mtandao wa www. habari za jamii.com-simu namba 0712-727062)
 Ofisa kutoka Shirika la Maendeleo la DPG, Sinikka Antila, 
akitoa hutuba fupi kwa wageni waalikwa.
 Meneja wa Mazingira na Uchambuzi wa Takwimu, Ofisi ya Taifa ya Takwimu (TBS), Sango Abas Simba, akitoa ufafanuzi wa masuala kadhaa kuhusu chapisho hilo.
 Waziri wa Fedha, Saada Mkuya Salum (wa pili kushoto), akionesha kitabu cha Ripoti ya Utafiti wa Mapato na Matumizi ya Kaya Binafsi wa Mwaka 2011/12 wakati akikizindua katika ukumbi wa Kimataifa wa Mwalimu Nyerere Dar es Salaam leo. Wanaoshuhudia kutoka kulia ni Ofisa kutoka Shirika la Maendeleo la DPG, Sinikka Antila, Mwakilishi wa Benki ya Dunia,  Philippe Dongier na Gavana wa Benki Kuu ya Tanzania (BoT), Profesa Beno Ndulu.
 Mkurugenzi Mkuu wa Ofisi ya Taifa ya Takwimu (Dk. Albina Chuwa (kushoto), akiteta jambo na Gavana wa Benki Kuu ya Tanzania (BoT), Beno Ndulu wakati wa uzinduzi wa chapisho hilo.
 Wadau wa masuala ya takwimu wakiwa kwenye hafla hiyo.
 Maofisa wa Ofisi ya Taifa ya Takwimu wakiwa 
kwenye uzinduzi huo.
 Wanafunzi wa Chuo cha Takwimu nao walijumuika kwenye uzinduzi wa chapisho hilo.
  Wanafunzi wa Chuo cha Takwimu. 

Viongozi meza kuu wakiwa katika picha ya pamoja na wanafunzi wa chuo cha Takwimu.

Dotto Mwaibale

TAKWIMU mbalimba za nchi zimetakiwa kutolewa na chombo chenye dhamana badala ya kutolewa kiholela jambo ambalo ni hatari kwa maendeleo ya nchi katika sekta mbalimbali

Hayo yamebainishwa na Waziri wa Fedha, Saada Mkuya wakati akizindua Chapisho la Utafiti wa Mapato na Matumizi ya Kaya Binafsi wa Mwaka 2011/20012.

"Ni muhimu tafiti mbalimbali za maendeleo ya nchi zikatolewa na chombo chenye dhamana kwani kutolewa tofauti na chombo hicho zinaweza kuhatarisha maendeleo ya nchi" alisema Mkuya.

Katika hatua nyingine Mkuya alisema hali ya umaskini imeonekana kupungua nchini kutoka asilimia 34.4 mwaka 2007 hadi kufikia asilimia 28.2 kwa mwaka 2011/2012.

Alisema chapisho hilo huwa linaisaidia Serikali katika kutathimini na kurekebisha baadhi ya sera na mipango ya maendeleo ya kukuza uchumi na kupunguza umaskini wa nchi.

"Wakati nazindua chapisho hili inaonyesha kwamba kiasi cha sh. za Tanzania 36,482 kinahitajika katika kukidhi mahitaji ya msingi ya mtu mzima mmoja kwa mwezi ukilinganisha na kiasi cha cha sh. 19,201 kwa mahitaji ya aina hiyo ya mwaka 2007.

Alisema katika maeneo ya vijijini kiwango cha umaskini kimeonekana kupungua lakini hali hiyo imekuwa ni changamoto kwani asilimia kubwa ya watu wa vijijini wanatumia  zana za kilimo za zamani.

"Utafiti unaonyesha kuwa kila watu 100 walikuwa na uwezo wa kufanya kazi mwaka 20011/12 watu 75 walijishighulisha na kilimo na uvuvi hata hivyo matumizi ya duni ya zana za kilimo bado imekuwa ni changamoto kubwa inayoedelea kutukabili,"alisema.

"Utafiti unaonyesha kwamba asilimia 96.5 ya kaya zinazojishughulisha na kilimo bado zinatumia jembe la mikono na asilimia 0.1 tu ndiyo zinatumia zana za kisasa za kilimo likiwemo jembe na plau na trekta.

Aliongeza kuwa watu wengi hawana ushiriki wa benki katika shughuli za kibiashara wa ngazi ya kaya bado ni mdogo katika utoaji wa mitaji ya kuanzisha biashara katika ngazi hizo.


Alisema ni muda wa Serikali sasa kuweza kuwafahamisha hata kwa kuwapa wananchi njia za kujiari wenyewe ili kuweza kupunguza kabisa hali ya umaskini nchini. (Imeandaliwa na mtandao wa www. habari za jamii.com-simu namba 0712-727062)

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Kamati ya Bunge ya Huduma za Jamii yafanya ziara katika Miradi mitatu ya NSSF jijini Dar‏



Mwenyekiti wa Bodi ya Wakurugenzi ya Shirika la Taifa la Hifadhi ya Jamii (NSSF), Abubakar Rajabu (aliesimama) akizungumza wakati wa kuwakaribisha Wabunge wa Kamati ya Huduma za Jamii,waliofanya ziara ya kutembelea na kuangalia maendeleo ya miradi mitatu inayofadhiliwa na NSSF ambayo ni Mradi wa Daraja la Kigamboni,Mradi wa nyumba wa Mtoni Kijichi na Mradi ujenzi wa kijiji cha kisasa kiitwayo 'Dege Eco Village',iliopo Kigamboni jijini Dar es Salaam.Katika ziara hiyo ya Wabunge chini ya Mwenyekiti wao,Mh. Said Mtanda (katikati) walivutiwa sana na maendeoe ya miradi hiyo na hivyo kulipongeza Shirika la NSSF kwa kazi nzuri wanayoendelea kufanya.Picha zote na Othman Michuzi.
Waziri wa Kazi na Ajira,Mh. Gaudencia Kabaka (aliesimama) akifafanya jambo mbele ya Wabunge wa Kamati ya Huduma za Jamii waliofanya ziara ya kutembelea na kuangalia maendeleo ya miradi mitatu inayofadhiliwa na NSSF ambayo ni Mradi wa Daraja la Kigamboni,Mradi wa nyumba wa Mtoni Kijichi na Mradi ujenzi wa kijiji cha kisasa kiitwayo 'Dege Eco Village',iliopo Kigamboni jijini Dar es Salaam
Mbunge jimbo la Lindi ambaye pia ni Mjumbe wa Kamati ya Bunge ya Huduma za Jamii,Mh. Salum Barhan akifatilia kwa makini taarifa ya Mradi wa Daraja la Kigamboni iliyokuwa ikitolewa na Meneja Miradi wa Shirika la Taifa wa Hifadhi ya Jamii (NSSF), Mhandisi John Msemo (hayupo pichani)
Meneja Miradi wa Shirika la Taifa wa Hifadhi ya Jamii (NSSF), Mhandisi John Msemo akielekeza jambo wakati akitoa taarifa ya Mradi wa Daraja la Kigamboni mbele ya Wabunge wa Kamati ya Huduma za Jamii waliofanya ziara ya kutembelea na kuangalia maendeleo ya miradi mitatu inayofadhiliwa na NSSF ambayo ni Mradi wa Daraja la Kigamboni,Mradi wa nyumba wa Mtoni Kijichi na Mradi ujenzi wa kijiji cha kisasa kiitwayo 'Dege Eco Village',iliopo Kigamboni jijini Dar es Salaam.
Mjumbe wa Kamati ya Bunge ya Huduma za Jamii ambaye pia ni Mbunge wa Jimbo la Manyovu Mkoani Kigoma,Mh. Albert Obama akiuliza swali kwa Meneja Miradi wa Shirika la Taifa wa Hifadhi ya Jamii (NSSF), Mhandisi John Msemo kuhusiana na mradi huo wa Daraja la Kigamboni.
Wajumbe wa Kamati ya Bunge ya Huduma za Jamii wakisikiliza kwa makini taarifa ya Mradi wa Daraja la Kigamboni.
Meneja wa Mradi wa ujenzi wa Daraja la Kigamboni kutoka Shirika la Taifa wa Hifadhi ya Jamii (NSSF),Mhandisi Karim Mattaka (katikati) akiwaeleza Wabunge wa Kamati ya Huduma za Jamii namna wanavyopanga nondo ili kuweka uhimara wa daraja la Kigamboni ambalo linatarajiwa kumalizika mapema mwakani.
Mwenyekiti wa Kamati ya Bunge ya Huduma za Jamii,Mh. Said Mtanda (wa tatu kushoto) akizungumza jambo na Mkurugenzi Mkuu wa Shirika la Taifa wa Hifadhi ya Jamii (NSSF),Dkt. Ramadhan Dau (wa nne kushoto) wakati wajumbe wa kamati hiyo wakitembelea Mradi wa Ujenzi wa Daraja la Kigamboni jijini Dar es salaam.
Wajumbe wa Kamati ya Bunge ya Huduma za Jamii wakiangalia namna maji yanavyotolewa chini kwa ajili ya kuweka nguzo za Daraja la Kigamboni.
Waheshimiwa wakijadiliana wakati wa ziara hiyo.
Mkurugenzi Mkuu wa Shirika la Taifa wa Hifadhi ya Jamii (NSSF),Dkt. Ramadhan Dau (wa pili kulia mbele) akimuongoza Mwenyekiti wa Kamati ya Bunge ya Huduma za Jamii,Mh. Said Mtanda alieambatana na ujumbe wake wakati wakitembelea miradi mitatu inayofadhiliwa na NSSF ambayo ni Mradi wa Daraja la Kigamboni,Mradi wa nyumba wa Mtoni Kijichi na Mradi ujenzi wa kijiji cha kisasa kiitwayo 'Dege Eco Village',iliopo Kigamboni jijini Dar es Salaam.
Maendeleo ya Mradi wa Daraja la Kigamboni.
 Ubao wa Maelezo ya Mrad wa Kijiji
Baadhi ya Nyumba za Mradi wa Kijichi.
Mh. Obama akiangalia Mandhali tulivu ya Kijichi.
Wadau wakiwa katika picha ya pamoja wakati wa ziara hiyo.
Majengo yanayoendelea kujengwa katika eneo la Mradi wa Kijichi.
Mkurugenzi Mkuu wa Shirika la Taifa wa Hifadhi ya Jamii (NSSF),Dkt. Ramadhan Dau akielekeza jambo kwa Wajumbe wa Kamati ya Bunge ya Huduma za Jamii. 
Mh. Maua Daftari
Mh. Sugu.
Baadhi la Majengo ya Mradi wa Kisasa wa Dege eco Village yakiendele kujengwa.
Mwenyekiti wa Kamati ya Bunge ya Huduma za Jamii,Mh. Said Mtanda akizungumza na wanahabari walioambatana nao kwenye ziara hiyo.
Picha ya pamoja ya Wabunge Kamati ya Bunge ya Huduma za Jamii pamoja na Viongozi wa Shirika la Taifa la Hifadhi za Jamii (NSSF) mara baada ya kumalizika kwa ziara.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

BENKI YA NMB YAWAKABIDHI ZAWADI WASHINDI WA PROMOSHENI YA WEKA NA USHINDE‏




 Meneja wa Kanda ya Dar es Salaam wa Benki ya NMB, Salie Mray (kulia), akimkabidhi Florence Kasenene cheti cha ushiriki katika  promosheni ya Weka na Ushinde katika hafla iliyofanyika viwanja vya benki hiyo Tawi la Sinza Mori Dar esaSalaam leo asubuhi. Kasenene alijishia bajaj.

 Meneja wa Kanda ya Dar es Salaam wa Benki ya NMB, Salie Mray (kulia), akimkabidhi Florence Kasenene, akimkabidhi funguo wa bajaj, Florence Kasenene katika hafla hiyo. (Imeandaliwa na mtandao wa www.habari za jamii.com-simu namba 0712-727062)
 Ofisa Habari wa benki hiyo, Doris (kushoto), akizungumza kwenye sherehe hiyo.
 Mshindi wa pikipiki, Mariam Mburinyingi  akifurahi kushinda pikipiki hiyo na mmoja wa maofisa wa benki hiyo.
 Mshindi wa baiskeli, akiijaribu  kuiendesha baada 
ya kukabidhiwa.
 Washindi wa baiskeli wakiwa na baiskeli zao pamoja 
na maofisa wa benki hiyo.
 Baiskeli walizokabidhiwa washindi.
 Pikipiki walizokabidhiwa washindi hao.
Bajaj na pikipiki zilizokabidhiwa kwa washindi.

Dotto Mwaibale

BENKI ya NMB imetoa zawadi za pikipiki, bajaj na baiskeli kwa  washindi wa promosheni ya Weka na Ushinde inayoendeshwa na benki hiyo.

Akizungumza katika hafla ya kukabidhi zawadi hizo kwa washindi Meneja wa Kanda ya Dar es Salaam wa Benki ya NMB, BENKI YA NMB YAWAKABIDHI ZAWADI WASHINDI WA PROMOSHENI YA WEKA NA USHINDI Salie Mray alisema washindi waliopata zawadi kwa mwezi wa kwanza wa promosheni hiyo  ni wa Kanda ya Dar es Salaam.

"Kwa Kanda ya Dar es Salaam tuna washindi 30 ambao zawadi zao tunawakabidhi leo 'jana' na wale wa Kanda zingine watapewa zawadi zao kwenye kanda zao" alisema Mray.

Aliwataja washindi walioshinda bajaj ni watano, washindi watatu wameshinda pikipiki za magurudumu mawili na washindi 22 wamejishindia baiskeli aina ya Phoenix.

Alisema katika promosheni hiyo kuna zawadi nyingi za kushindania zenye thamani ya sh.milioni 500 hivyo watanzania wachangamkie fursa hiyo kwani droo zingine zitaendelea kuchezeshwa kila Jumatatu.

Alisema zawadi zilizotolewa jana zinatokana na droo ya nne iliyofanyika kwa nchi nzima ambapo tayari wamepatikana washindi wa 17 wa bajaj, 16 pikipiki na 132 baiskeli aina ya Phoenix.

Mray alisema hiyo ni fursa kwa wateja wao kwani kila mtu anaweza kushinda ili mradi tu afuate taratibu za kushiriki ambazo ni kuweka fedha kwenye akaunti yake mara nyingi awezavyo ili kujiongezea naafasi zaidi kushinda. (Imeandaliwa na mtandao wa www.habari za jamii.com-simu namba 0712-727062)

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 
Supported by Tone Multimedia Company Limited
Copyright © 2012. Dar es salaam Yetu - All Rights Reserved
Designed by Fredy Tony Njeje
Proudly powered by Blogs za Mikoa