‘WANANCHI HUDHURIENI MAONESHO YA MAGARI’

na Eveline Mosi

WANANCHI wamehamasishwa kuhudhuria maonesho ya magari yanayotarajiwa kufanyika kuanzia Oktoba 19 hadi 21 mwaka huu katika viwanja vya Mlimani City, jijini Dar es Salaam.

Akizungumza na waandishi wa habari jana katika ukumbi wa Idara ya Habari (Maelezo), Jijini Dar es Salam, Mratibu wa maonesho hayo yanayofahamika kwa jina la Tanzania Atomative Festival, Ally Nchahaga, alisema katika maonesho hayo, watu watajifunza mambo mambalimbali.

Alisema maonesho hayo ambayo yanafanyika kwa mwaka wa tano mfululizo, yameanza kukubalika na wananchi, watu watu wengi wamekuwa wakihudhuria.

“Tukiwa tunasheherekea miaka mitano ya Atomative Festival hapa nchini, hatuna budi kujivunia hamasa ya vijana chipukizi kujitokeza katika biashara na watumiaji wa magari na kubadilishana ujuzi na mawazo,”alisema Nchahaga.

Aliongeza kuwa maonyesho hayo yatafunguliwa na Waziri wa Viwanda, Biashara na Masoko, Dk. Abdallah Kigoda.

Chanzo: Tanzania Daima