Bondia Evander kupigana Tanzania

Kampuni ya Hall of fame Boxing ambayo ina mikono ya Wamarekani na Watanzania kwenye umiliki, imetangaza kufanya historia kwenye mchezo wa ngumi Tanzania baada ya kukiri kwamba inamleta bondia maarufu wa longtime Evander Holyfield kupigana.

Promota Jay Msangi amesema kabla ya hilo pambano la Evander vs Francois Botha kutoka South Africa April 2014 kwenye Uwanja wa Taifa Dar es Salaam, yapo mapambano kadhaa ya utangulizi hivi karibuni ambapo pia Botha atakuja Tanzania kutazama.



30 August mwaka huu Diamond Jubilee Dar es Salaam, Francis Cheka atazichapa na bondia Derrick kutoka Marekani kwenye ubingwa wa dunia uzito wa kati.

Msangi anakwambia pia litachezwa pambano la Mada Maugo vs Thomas Mashari siku hiyo hiyo ya 30 August la round 12 kumtafuta mkali kati ya hao wawili kugombea ubingwa wa Afrika ubingwa wa uzito wa kati.

Kwenye sentensi ya mwisho, Jay amesema hii ni historia na ni aina mpya ya kitu ambacho wengi hawajakizoea, kwanza kuleta hao mabondia kutoka Marekani na South Africa, lakini pia baada ya Cheka kuwapiga Maugo na Mashari, anatafutwa mbabe kati ya hao wawili.