Wananchi wamzodoa Ezekiel Maige, ni baada ya kuweka picha ya kimondo facebook na kumshauri Kagasheki kuutangaza zaidi utalii wa ndani

Aliyekuwa Waziri wa Wizara na Maliasili na Utalii, Ezekiel Maige ametaka kuimarishwa kwa utalii wa ndani kwa kutangaza vivutio vilivyopo nchini kwa maslahi ya taifa kwa ujumla.

Maige ametoa ushauri wake huo kupitia mtandao wa facebook huku akionyesha picha yake akiwa Ndolezi kwenye Kimondo ambacho ni kivutio kikubwa cha utalii nchini ambacho kinafahamika zaidi nje ya nchi kuliko ndani.

“Ni vema kuimarisha utalii wa ndani. Hapa niko Ndolezi, Mbozi nikiangalia Kimondo! Kwa kumbukumbu zioizoko kwenye kitabu cha wageni, eneo hili muhimu la utalii hufikiwa na wageni 0-2 kwa siku! Tena wageni! Ni vema Wenzetu wa Maliasili wakakitangaza zaidi” anasema Maige

Hata hivyo kauli yake hiyo ilikosolewa na wafuasi wake katika mtandao huo wengi wakimshangaa kwanini alishindwa kuutangaza autalii wa ndani wakati wa utawala wake badala yake aliruhusu hata usafirishaji wa wanyama hai nje ya nchi.

Alli Kassim alihoji “wewe ulikuwa waziri kwenye wizara unayoizungumza ulifanya nini kuhakikisha utalii wa ndani unakua au wewe ulikuwa una deal na troph animals tu na sasa ndo unauona umuhimu wa utalii wa ndani?”

Michango iliendelea ambapo wengi walitaka kujua alikuwa wapi kuyatumia mawazo hayo wakati akiwa waziri.

Zuhura Hussein kaka wewe ni mmoja wa wahusika wa hii kazi tukumbushe enzi zako hili ulifanyia kazi kwa kiasi gani ili tumshawishi kagasheki

Conrad Kihinga Wewe wakati ukiwa Waziri wa mali asili ulifanya jitihada gani kutangaza utalii wa ndani?

Majaliwa Mndele wanaondokaga na twiga hao angalieni hicho kimondo watakipeleka ng’ambo siwaamini hata chembe. hadi leo isue ya twiga kitendawili ihurumieni nchi jamani

Baraka Mwago Ulishindwaje kufanya hiyo njozi yako ukiwa naibu waziri na baadae waziri wa Maliasili na Utalii?

Na haya ndio yalikuwa majibu ya Maige kwa maswali hayo

Ezekiel Maige Alli Kassim, uongozi ni kupokezana kijiti. Kwa utanzania wangu nina haki ya kushauri, kwa sasa ndiyo nafasi yangu. Hata Nyerere hakuweka lami hadi Butiama!!! Zuhura Hussein, sidhani kama ni lazima kueleza nilifanya nini wakati wangu ndipo nipate haki ya kushauri! Anyway, basi naondoa ushauri wangu! Tusitangaze kimondo na vivutio vingine kwa watalii wa ndani!!! Umefurahi? Ukiwa na msimamo wa kunibeza nadhani unajinyima advantage yangu ya uzoefu!!!!

Chanzo: Tabianchi blog