JAJI MKUU MSTAAFU RAYMOND MWAIKASU APENDEKEZA VIONGOZI WA JESHI LA MAGEREZA WAINGIZWE KWENYE RASIMU YA KATIBA

JAJI mkuu mstaafu Raymond Mwaikasu amependekeza Viongozi wa jeshi la magereza waingizwe  katika rasimu ya katiba kwa sababu ni watekelezaji wa sheria za nchi  husika   hivyo viongozi wakuu wa magereza washirikishe katika kamati ya ulinzi na usalama wa taifa kwa sababu ni sehemu ya nchi washirika.

Akizungumza katika warsha iliyofanyika  mjini Iringa yenye lengo la kuwajengea  uelewa wa katiba pamoja na mchakato wa marekebisho ya katiba kwa wananchi waishio wilaya ya Iringa vijijini,  alisema kuwa viongozi wa Magereza waingizwe katika kamati ya ulinzi na usalama wa Taifa ili kuweza kutoa taarifa kwa kamati juu ya yanayotokea gerezani na wanayokabiliana nayo katika magereza.

Kwa upande wake  MKurugenzi mkuu John Msika alisema kuwa jeshi la magereza halijatajwa kama ni sehemu ya muungano hivyo halimtambui katika kuidhinisha adhabu.

“Mkuu wa jeshi la magereza aidhinishe kama mmoja wa wanakamati na mjumbe katika kamati kuu ya ulinzi na usalama “alisema Msika

Naye mkurugenzi wa mafunzo na utafiti Erick Nyato alisema kuwa Muundo wa serikali tatu utahimiza na kujari maadili na miiko ya viongozi wa umma kupunguza mamlaka ya Rais katka uteuzi wa viongozi mbali mbali.

Suala la serikali tatu sio kuvunja amani hili ni suala la uongozi kama itashindikana ni kubadilisha uongozi kwa sababu ni maamuzi yetu wenyewe wananchi .
Michuzi Media Group