Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TUME ya Maendeleo ya Ushirika imeandaa mkakati kwa kuunganisha vyama vya ushirika vya uzalishaji na vya akiba na mikopo (SACCOS) ili kuinua vipato vya ushirika.
Hayo yameelezwa jana na Mrajis wa vyama vya Ushirika na Mkurugenzi Audax Rutabanzibwa alipokuwa akizungumza na waandishi wa habari jijini Dar es Salaam.
Rutabanzibwa alisema wameamua kufanya hivyo baada ya kuona vyama vingi vya ushirika vinakwenda kukopa benki na kupewa riba kubwa huku mzigo wa deni hilo akibebeshwa mwanachama ambaye ni mzalishaji.
"Tumeangalia tukaona kuna vyama vya akiba vina zaidi ya bilioni 20 benki halafu vinakopeshwa ukiangalia hizo fedha ni wanachama ambao wanakwenda kukopa tena kwa riba wakati wanaweza kukopeshana wenyewe na bila riba cha msingi ni uzalishaji," alisema.
Alisema kuwa zipo baadhi ya benki ambazo riba zao ni kubwa hivyo hufanya vyama vya ushirika kushindwa kusonga mbele na kuwawezesha wanachama kuwa na maendeleo kutokana na mikopo.
Alisema kuwa endapo vya mahivyo vitafanya mchakato huo wanachama wanafaidika na vyama vyao kwa kurudisha kwa wakati na kwa riba ndogo na kupata maendeleo.
Rutabanzibwa aliendelea kueleza mazungumzo yameanza kati ya Tanga Diary Corporative na Posta na Simu Saccos LTD na yanaendelea vizuri ambapo kufikia mwezi wa tatu makubaliano yatakuwa yamefikiwa.

Chanzo;Majira