TAHA watakiwa kufuata Sheria za Usajili.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 

Na: Shamimu Nyaki WHUSM.

Chama cha mpira wa mikono Tanzania (TAHA) kimetakiwa kufuata sheria na taratibu za usajili wa Katiba wanayoitaka kama walivyoagizwa na Msajili wa Vyama vya michezo nchini.

Hayo yamesemwa na Afisa Michezo Mkuu Kitengo cha Usajili wa Vyama vya Michezo Bw. Allen Allex kufuatia malalamiko ya Chama hicho kwa vyombo vya habari kuwa wamenyimwa usajili wa katiba mpya ya chama chao.

Amesema kuwa Chama hicho wakati kinawasilisha barua ya kuomba kusajili Katiba yao aliwapa utaratibu wa kufuata katika usajili ambao kwanza ni kurudisha Cheti cha mwanzo cha Katiba ya zamani, pamoja na Orodha ya mabadiliko wanayotaka kuyafanya (Schedule of Ammendment).

“Lazima waonyeshe mabadiliko wanayotaka kuyafanya yaliopo katika katiba ya zamani na kuonyesha wanayotaka kuyaweka katika  katiba mpya”.Alisema Bw. Allen.

Aidha chama hicho kinatakiwa kufanya mkutano mkuu wa mabadiliko ya Katiba chini ya sheria ya Usajili wa Vyama vya Michezo ya  Baraza la Michezo la Taifa (BMT) ambayo inaeleza kuwa ni lazima mkutano kuwa na wajumbe wa  vyama vya michezo  kutoka mikoa  isiyopungua  13 ya Tanzania Bara.

Kutokana na masharti hayo chama hicho hakikuweza kutimiza na badala yake wakafanya mkutano na wajumbe ambao sio sahihi kisheria.Chama hicho Tarehe 17/12/2015   kiliwasilisha barua ya kuomba usajili wa Katiba mpya ambayo ilikuwa inataka kubadilisha jina la chama hicho kutoka Tanzania Ameteur Handball Association (TAHA) na kujulikana kama Shirikisho la la Mpira wa Mikono la Tanzania (THI).