SERIKALI:WATUMISHI WANA SABABU YA KUTABASAMU MWEZI HUU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Imeandikwa na Na Mwandishi Wetu

Watumishi wa umma wana kila sababu ya kufurahi mwezi huu kwani watapewa nyongeza ya mwaka ya mishahara yao, Mkurugenzi Mkuu wa Habari Maelezo na Msemaji Mkuu wa Serikali Dk Hassan Abbasi asema leo asubuhi.

Akizungumzia miaka miwili ya uongozi wa Rais John Magufuli kupitia kipindi cha 360 kilichorushwa moja kwa moja na kituo cha luninga cha Clouds, Dk Abbasi amesema kuwa nyongeza hiyo itaonekana kwenye mishahara ya watumishi kuanzi mwezi huu baada ya kufanyika uhakiki wa veti na wafanyakazi hewa. “Baadhi wameshaanza kupewa barua na maofisa utumishi….kama huna mazoea ya kusalimia ofisi ya afisa utumishi wewe pita pita tu pale,”

Mkurugenzi huyo amesema. Amesema kuwa baada ya serikali kushughulikia wafanyakazi hewa, imeweza kuokoa Sh238bn na wafanyakazi wenye vyeti ‘feki’ Sh142bn. Jumla ya Sh380bn kimeweza kuokolewa baada ya kufanyika uhakiki wa watumishi hewa na vyeti.

Hata hivyo, msemaji huyo ameeleza kuwa fedha ambazo zimepatikana baada ya kudhibiti ubadhirifu na kuongezeka kwa mapato serikali hadi kufikia Sh14trn kwa mwaka yameiwezesha serikali kutoa elimu bure, kuboresha huduma za afya pamoja na kugharamia miradi mikubwa ya maendeleo ikiwemo miundombinu ya usafirishaji na maji.

CHANZO HABARI LEO