UVCCM YAMPONGEZA MAGUFULI KWA KUTETEA VIJANA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 Imeandikwa na Mwandishi Wetu

Kaimu Katibu wa Idara ya Hamasa na Chipukizi, Jokate Mwegelo

UMOJA wa Vijana wa CCM (UVCCM) umempongeza Rais John Magufuli kwa kutaka vijana kujituma katika kilimo kutobughudhiwa na kutaka wasaidiwe kuendelea kazi za uzalishaji mali kujenga uchumi.

Aidha, umefurahishwa na agizo la kuwataka wakuu wa wilaya, wakurugenzi wa halmashauri za wilaya na wakuu wa idara za kilimo kuwafikia wakulima mashambani.

Kaimu Katibu wa Idara ya Hamasa na Chipukizi, Jokate Mwegelo alisema hayo Jijini Dar es Salaam jana wakati akizungumzia agizo la Rais Magufuli alilotoa akiwa ziarani Kyaka Wilaya ya Missenyi, Kagera. Mwegelo alisema anachokifanya Rais ni kuondoa tabaka la kizazi cha urasimu cha ‘njoo kesho na ngoja ngoja’ kuwapa fursa pana vijana watende sasa yanayoyaona yanawezekana kuwasaidia vijana kimaisha.

Alisema huu si wakati wa maofisa wa halmashauri za wilaya idara za kilimo, biashara, uvuvi na ufugaji kujifungia ofisini na kuandika mambo ambayo utekelezaji wake hauna matokeo chanya na tija kwao. Aidha alisema vijana wanaojituma kufanya kazi na kutojihusisha na vitendo vya uhalifu au unyang’anyi nchini, wanahitaji kusaidiwa na si kukatishwa tamaa au kubughudhiwa na viongozi bila sababu za msingi.

CHANZO BABARI LEO