Apeneta yatakiwa kuwajengea uwezo wajasiriamali

ASASI ya kiraiaya inayojishughulisha na ukuzaji wa uchumi nchini (APENETA) ambayo imetakiwa kuwajengea uwezo wa uthubutu wajasiriamali ili waweze kujikomboa na umaskini.
Hayo yalisemwa juzi na ofisa miradi wa taasisi ya Tanzania Aid Development (TZAD) Hamis Tembo ambaye alimwakilisha Dismas Liyasa wakati akizindua mfuko wa kikundi cha Wazalendo cha mtaa wa Mongolandege kata ya Ukonga ambapo TZAD waliahidi sh.500, 000.Alisema kuwa wajasiriamali wengi wanashindwa kufikia malengo yao kwa kuwa hawajengewi uwezo wa kujiamini na kuthubutu wakati wa kuendesha biashara zao .
Wakati huo huo, Diwani wa Kata ya Ukonga Elizabeth Mbano ameziomba Halmashauri nchini kuhakikisha wanatumia Mfuko wa Maendeleo ya Jamii (TASAF) ili kuwaletea tija jamii.
" Lengo kuu la mfuko huu ni kusimamia na kuiletea jamii maendeleo hivyo ni jambo ambalo kwa upande wa Halmashauri wamejipanga kuhakikisha hayo yanatekelezeka kwa asilimia 100," alisema.
Hata hivyo, mkurugenzi wa asasi ya Apeneta Gration Mutoshbya amesisitiza kutumia fursa mbalimbali wanazozipata ili wajasiriamali wawe na uelewa sahihi juu ya kupiga vita umaskini.
Naye Katibu wa asasi hiyo Christopher Pigangoma ameiomba Serikali kupitia wadau wake ili kuipa fedha asasi hiyo iweze kuzitumia kusomesha watoto yatima na makundi mengine maalumu kwa ajili ya kuipunguzia taifa mzingo mkubwa.
Aidha kwa upande wake mwezeshaji wa kikundi cha Wazalendo Nasra Athumani amewataka Watanzania kuendeleza na kuthamini rasilimali zilizopo kwa lengo la kusaidia jamii iliyopo na kukuza uchumi.

Chanzo;Majina