Ugonjwa wa saratani sasa tishio nchini

UGONJWA wa saratani umezidi kuongezeka kwa kasi nchini kila mwaka ambapo wagonjwa wapya wa saratani wanaogundulika ni 44,000 na kati ya hao wanaofariki 35,000.

Takwimu hizo zimetolewa na Serikali Dar es Salaam jana wakati wa maadhimisho ya siku ya Saratani Duniani. Akizungumza wakati wa maadhimisho hayo Waziri wa Afya na Ustawi wa Jamii, Dkt Seif Rashid, alisema tatizo hilo kwa sasa ni kubwa kwa taifa hasa kutokana na wagonjwa hao kufika katika vituo vya tiba wakati ugonjwa huo ukiwa kiwango cha juu.
Alisema wengi wanafika hospitali ugonjwa huo ukiwa umefikia hatua ya tatu au nne, hivyo inakuwa vigumu kupona.
“Saratani inayoongoza zaidi kwa wanaume ni saratani ya Kaposi na saratani ya tezi dume, huku kwa upande wa wanawake saratani ya shingo ya kizazi ikiwa inaongoza," alisema.
Alisema takwimu za wagonjwa zimekuwa zikiongezeka siku hadi siku, hali inayosababisha Serikali kuchukua hatua ya kukabiliana na tatizo hilo kwa kutoa elimu ya kutosha na kuboresha sekta ya tiba kwa wagonjwa.
Dkt. Rashid alisema kwa miaka mingi matibabu ya saratani yalikuwa yakitolewa katika Taasisi ya Saratani Ocean Road na ili kuboresha huduma Serikali imeanzisha kutoa tiba hizo katika Hospitali ya Bugando. Alisema matibabu hayo yanatarajiwa kuanzishwa pia kwenye hospitali za Rufaa KCMC na Mbeya.
Alisema Serikali imejipanga kufanya juhudi kuhakikisha fedha, vifaa tiba na dawa za kukabiliana na ugonjwa wa saratani vinapatikana ili kuinua hali ya afya ya jamii.
Akizungumzia uhaba wa madaktari, alisema juhudi za dhati zinafanyika ambapo kwa mwaka huu Serikali imegharamia mafunzo kwa wataalamu tisa ambapo pia wanatarajia kuongeza wengine 100 hadi 120 ili kukabiliana na tatizo hili.
Naye Mkurugenzi Mtendaji wa Taasisi ya Saratani Ocean Road, Twalib Ngoma, alisema changamoto iliyopo katika kukabiliana na ugonjwa huo ni uhaba wa vifaa.
Alitoa mfano akisema mashine za mionzi ambazo zinahitajika ni tisa, lakini ambazo zimepatikana ni mbili hali inayosababisha wa gonjwa kuchelewa kupewa matibabu.
Aliitaka jamii kuelewa kuwa saratani ya shingo ya kizazi inasababishwa zaidi na kirusi aina ya Human Abnormal ambapo Tanzania ipo katika mchakato wa kupata chanjo yake.
Alitaja baadhi ya sababu zinazochangia saratani kwa wanawakeni kufanya mapenzi na wanaume zaidi ya mmoja bila kinga.
Sababu nyingine ni uvutaji wa tumbaku ukichangia ugonjwa wa saratani kwa asilimia 40 na tafiti za Benki ya Dunia zinasema kuwa kila dola moja ambayo mapato yake kwa taifa yanatokana na biashara ya Tumbaku

Chanzo;Majira