UKAWA: WAMEWATAKA WANANCHI WANAOWAUNGA MKONO KUTOSHIRIKI KATIKA ZOEZI LA KUPIGA KURA YA MAONI YA KATIBA.

 

Viongozi wakuu wa vyama vinavyuounda umoja wa katiba ya wananchi -UKAWA- wamewataka wananchi wanaowaunga mkono umoja huo kutoshiriki katika zoezi la kupiga kura ya maoni ya katiba inayopendekezwa linalotarajiwa kufanya mapema mwezi aprili mwaka huu kutokana na mchakato mzima wa kupatikana kwa katiba hiyo inayopendekezwa ulikuwa batili.

Akizungumza na waandishi wa habari, mwenyekiti wa mwenza wa umoja huo Prof  Ibrahimu Lipumba amesema UKAWA hawawezi kushiriki katika kura ya maoni ya katiba inayopendekezwa ambayo haijapatikana katika misingi ya kidemokrasia pamoja na ukiukwaji wa makubaliano ambapo awali kupitia kituo cha demokrasia-TDC- walikubaliana na Mhe.Rais kwamba zoezi hilo lifanyike baada ya uchaguzi mkuu wa rais na wabunge jambo ambalo halikutekelezwa.

 

Kwa upande wake, mwenyekiti mwenza mweshimiwa Freeman Mbowe amesema mpaka sasa ziko katiba pendekezwa zaidi ya nne mitaani, jambo linalozidi kuwachanganya wananchi, na kusisitiza kuwa  haiwezekani daftari ya kudumu la wapiga kuwa tayari kabla ya mwezi aprili ambapo pia ameitupia lawama tume ya taifa ya uchaguzi-NEC- kwa kuwashirikisha wafadhili katika changamoto zilizojitokeza katika mfumo wa kupiga kura kielektroniki badala ya kuwashirikisha wadau wakiwemo viongozi wa vyama vya siasa.

 

Aidha mwenyekiti mwenza Bwana James Mbati amedai kushtushwa na zoezi la kupiga kura ya maoni ya katiba pendekezwa linalotarajiwa kufanyia mapema mwezi aprili wakati wananchi hawajapata elimu ya kutosha, hakuna daftari la kudumu la wapiga kura sambamba na viongozi wa vyama kutopatiwa katiba inayopendekezwa na kusistiza umoja huo sasa umejiekeza zaidi katika uchaguzi mkuu unaotarajiwa kufanyika mwezi oktoba mwaka huu.

Chanzo:ITV Tanzania

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.