IGP Simon Sirro.
JESHI la polisi nchini limesema hadi sasa hakuna watu waliojitokeza
kutambua au kulalamika kwamba wamepoteza ndugu zao kufuatia kuwapo kwa
idadi kubwa ya miili inayookotwa maeneo mbalimbali.
Miili hiyo imekuwa ikiokota ikiwa imewekwa kwenye viroba na mingine
ikiwa imefungwa mawe makubwa na kamba. Mkuu wa Jeshi hilo nchini (IGP),
Simon Sirro alisema kumekuwepo na changamoto ya kuwapata watu wanaodai
kupotelewa na ndugu zao, ili Polisi waweze kufuatilia kwa karibu kadhia
hiyo.
Alisema Jeshi hilo lilitoa taarifa za kuokotwa kwa miili hiyo katika
maeneo mbalimbali, hususani katika jiji la Dar es Salaam kwa ajili ya
upelelezi wa vinasaba (DNA) lakini hawajaona mtu yeyote aliyejitokeza
kwa ajili ya kutambua mwili wowote ule.
Sirro alisema kutokana na hali hiyo, jeshi hilo linaendelea
kupeleleza na baada ya hapo utaratibu mwingine uweze kufuatwa. “Kimsingi
bado hakuna mwili hata mmoja uliotambuliwa wala ambaye amefika
kutambua, hivyo utaratibu mwingine unaendelea kwa aliyeshindwa.
CHANZO HABARI LEO
0 comments:
Post a Comment