Imeandikwa na Matern Kayera
Katibu
Mkuu Wizara ya Habari, Utamaduni, Sanaa na Michezo, Susan Mlawi
akizungumza na wakuu wa Idara za Kampuni ya Magazeti ya Serikali (TSN)
alipofanya ziara kwenye makao makuu ya ofisi hizo, Dar es Salaam jana.
Kushoto kwake ni Naibu Katibu Mkuu wa wizara hiyo, Nicolas William,
Mhariri Mtendaji wa TSN, Dk Jim Yonazi (kulia kwake), Mkurugenzi Mkuu
Idara ya Habari (MAELEZO) na Msemaji Mkuu wa Serikali, Dk Hassan Abbasi.
(Picha na Fadhili Akida).
TSN wakumbushwa weledi katika kuhabarisha fursa ya soko kwenye
Jumuiya ya Afrika Mashariki na ndiyo maana imeanza kuyapeleka magazeti
ya HabariLeo na Daily News kwenye baadhi ya nchi hizo ikiwemo Kenya na
Rwanda, lakini lengo ni kuyapeleka kwenye nchi zote wanachama wa Jumuiya
hiyo pamoja na Mashariki mwa Jamhuri ya Kidemokrasia ya Congo.
Dk Yonazi alisema TSN pia inachapisha majarida mbalimbali, mabango,
vitabu, kalenda, madaftari, ripoti na machapisho mengine pamoja na
kutengeneza makala ya televisheni mbalimbali kama vile mambo ya afya,
maliasili, utalii, lakini pia alisema TSN iko tayari kutengeneza makala
ya televisheni kwa ajili ya Wizara ya Habari, Utamaduni, Sanaa na
Michezo ifikapo mwaka 2019.
“Pia bidhaa yetu nyingine tuliyoianzisha mwaka huu ni Jukwaa la
Biashara. Jukwaa hili linatusaidia katika masoko, kuitangaza mikoa na
kuibua fursa mbalimbali zilizopo kwenye mikoa hiyo na hivyo kuwasaidia
wananchi na wadau wengine kuzijua fursa hizo.
Tulianzia mkoani Simiyu na sasa tutaenda mikoa ya Geita, Dar es
Salaam na Zanzibar, lakini pia tutatengeneza jukwaa maalumu la biashara
la wanawake na tutazindua ‘magazine’ya wanawake mkoani Dodoma,” alisema
Dk Yonazi.
Katika ziara hiyo, Katibu Mkuu Mlawi aliongozana na Naibu Katibu Mkuu
wa wizara hiyo, Nicholaus William pamoja na Mkurugenzi wa Idara ya
Habari -Maelezo ambaye pia ni Msemaji Mkuu wa Serikali, Dk Hassan
Abbasi.
CHANZO HABARI LEO
0 comments:
Post a Comment